May 2024
ഐഎച്ച്സിഎല് ബേക്കലില് പുതിയ ജിഞ്ചര് ഹോട്ടല് തുറക്കുന്നു
Posted on: November 27, 2023
കൊച്ചി : ഇന്ത്യയിലെ ഹോസ്പിറ്റാലിറ്റി കമ്പനിയായ ഇന്ത്യന് ഹോട്ടല്സ് കമ്പനി (ഐഎച്ച്സിഎല്) ബേക്കലില് പുതിയ ജിഞ്ചര് ഹോട്ടല് ആരംഭിക്കുന്നു. ജിഞ്ചര് ബ്രാന്ഡിലുള്ള കേരളത്തിലെ ആറാമത്തെ ഹോട്ടലാണിത്. ഈ ഗ്രീന്ഫീല്ഡ് പദ്ധതി 2027-ല് പ്രവര്ത്തനമാരംഭിക്കും. ഹോട്ടല് പേള് ഡ്യൂണ്സ് പ്രൈവറ്റ് ലിമിറ്റഡുമായുള്ള സഹകരണത്തിലൂടെയാണ് പുതിയ ഹോട്ടല് വരുന്നത്.
ജിഞ്ചര് ബേക്കല് കൂടി പ്രവര്ത്തനമാരംഭിക്കുന്നതോടു കൂടി ഐഎച്ച്സിഎല്ലിന്റെ മൂന്ന് ബ്രാന്ഡുകള്ക്ക് ബേക്കലില് സാന്നിദ്ധ്യമുണ്ടാകുമെന്ന് ഐഎച്ച്സിഎല് റിയല് എസ്റ്റേറ്റ് ആന്റ് ഡവലപ്മെന്റ് എക്സിക്യൂട്ടീവ് വൈസ് പ്രസിഡന്റ് സുമ വെങ്കിടേഷ് പറഞ്ഞു. മനോഹരമായ പ്രകൃതിദൃശ്യങ്ങളുള്ള ബേക്കല് കേരളത്തിലെ പ്രധാന വിനോദസഞ്ചാര കേന്ദ്രമാണ്. വളര്ന്നുവരുന്ന ഈ വിനോദസഞ്ചാര വിപണിയെ കൂടുതല് ശക്തിപ്പെടുത്തുന്നതിനാണ് ശ്രമിക്കുന്നതെന്നും സുമ വെങ്കിടേഷ് പറഞ്ഞു.
മംഗലാപുരം അന്താരാഷ്ട്ര വിമാനത്താവളത്തിനും പ്രധാന വിനോദസഞ്ചാര കേന്ദ്രങ്ങള്ക്കും അടുത്തായി സ്റ്റേറ്റ് ഹൈവേയിലാണ് 150 മുറികളുള്ള പുതിയ ജിഞ്ചര് ഹോട്ടല് വരുന്നത്. വൈവിദ്ധ്യമാര്ന്ന ആഗോള, പ്രദേശിക വിഭവങ്ങള് ലഭ്യമാക്കുന്ന ക്യുമിന് ഓള്-ഡേ ഡൈനര്, അധിക മീറ്റിംഗ് റൂമുകളുള്ള ബാങ്ക്വറ്റ് ഹാള്, നീന്തല്ക്കുളം, ഫിറ്റ്നസ് സെന്റര്, കുട്ടികളുടെ കളിസ്ഥലം എന്നീ സൗകര്യങ്ങള് പുതിയ ഹോട്ടലിലുണ്ടാകും.
ഐഎച്ച്സിഎല്ലുമായി പങ്കാളിത്തത്തിലുള്ള ഞങ്ങളുടെ മൂന്നാമത്തെ ഹോട്ടല് പ്രഖ്യാപിക്കുന്നതില് സന്തുഷ്ടരാണെന്ന് ഹോട്ടല് പേള് ഡ്യൂണ്സ് പ്രൈവറ്റ് ലിമിറ്റഡ് എംഡി കെ.എം. അബ്ദുള് ലത്തീഫ് പറഞ്ഞു. ജിഞ്ചര് ബേക്കല് അതിന്റെ ഊര്ജ്ജസ്വലമായ രൂപകല്പ്പനയും ലിഷര് സൗകര്യങ്ങളും വഴി യാത്രക്കാര്ക്ക് ഒരു പുതിയ അനുഭവം നല്കും നല്കുമെന്നും അദ്ദേഹം കൂട്ടിച്ചേര്ത്തു.
പുതിയ ഹോട്ടല് കൂടി വരുന്നതോടെ ഐഎച്ച്സിഎല്ലിന് കേരളത്തില് താജ്, സെലക്ഷന്സ്, വിവാന്ത, ജിഞ്ചര് എന്നീ ബ്രാന്ഡുകളിലായി 19 ഹോട്ടലുകളുണ്ടാകും. പണി പൂര്ത്തിയായി വരുന്ന ആറെണ്ണം ഉള്പ്പെടെയാണിത്.
TAGS: Ginger Hotels |
കുമ്പളയില് പുതിയ ശാഖയുമായി ഫെഡറല് ബാങ്ക്
ആസ്ട്രിക്കസ് 23: ദ്വിദിന കോണ്ഫറന്സും ശില്പശാലയും സംഘടിപ്പിച്ചു.
ഇസാഫ്-നബാര്ഡ് സുസ്ഥിര സാമ്പത്തിക വികസന പദ്ധതികാസര്ഗോഡ് ജില്ലയിൽ
മേയ്ത്ര ഹോസ്പിറ്റലിന്റെ കെയര് ക്ലിനിക്ക് കാസര്ഗോട്ട് പ്രവര്ത്തനമാരംഭിച്ചു