ഫുഡ്പാണ്ട 100 മില്യൺ ഡോളർ മൂലധനം സമാഹരിച്ചു

Posted on: May 2, 2015

ന്യൂഡൽഹി : മൊബൈൽ ഫുഡ് ഡെലിവറി ആപ്പായ ഫുഡ്പാണ്ട 100 മില്യൺ ഡോളർ (635 കോടി രൂപ ) സമാഹരിച്ചു. ഗോൾഡ്മാൻ സാച്ചസ്, റോക്കറ്റ് ഇന്റർനെറ്റ് എസ്ഇ എന്നിവരാണ് നിക്ഷേപം നടത്തിയത്. ഫുഡ്പാണ്ടയുടെ 52 ശതമാനം ഓഹരികൾ റോക്കറ്റ് ഇന്റർനെറ്റിന്റെ നിയന്ത്രണത്തിലാണ്. 2012 നുശേഷം ഫുഡ്പാണ്ട 310 മില്യൺ ഡോളർ സമാഹരിച്ചിരുന്നു.

ഫുഡ്പാണ്ട ഈ വർഷം അവസാനം 10-12 ഇന്ത്യൻ നഗരങ്ങളിലേക്ക് കൂടി സേവനം വ്യാപിപ്പിക്കുമെന്ന് സഹസ്ഥാപകനും സിഇഒയുമായ റാൽഫ് വെൻസെൽ പറഞ്ഞു. 39 രാജ്യങ്ങളിലെ 580 നഗരങ്ങളിൽ ഫുഡ്പാണ്ടയ്ക്ക് സാന്നിധ്യമുണ്ട്. ഇന്ത്യയിൽ പിസഹട്ട്, സബ് വേ, ബാസ്‌ക്കിൻ റോബിൻസ്, അമ്മീസ് ബിരിയാണി, ഫാസോസ് തുടങ്ങിയ 3,000 ലേറെ റെസ്‌റ്റോറന്റുകളുമായി സഖ്യമുണ്ട്.

TAGS: Baskin Robbins | Food Delivery App | Foodpanda | Goldman Sachs | Pizza Hut | Ralf Wenzel | Rocket Internet SE | Subway |