May 2024
സിഎസ്ബി ബാങ്കിന് 265.39 കോടി രൂപ അറ്റാദായം
Posted on: October 21, 2023
കൊച്ചി : സിഎസ്ബി ബാങ്ക് നടപ്പുസാമ്പത്തിക വര്ഷം ആദ്യ ആറ് മാസകാലയളവില് 265.39 കോടി രൂപ അറ്റാദായം രേഖപ്പെടുത്തി. മുന് സാമ്പത്തിക വര്ഷം ഇതേ കാലയളവില് 235.07 കോടി രൂപയായിരുന്നു ലാഭം. 13 ശതമാനമാണ് ലാഭത്തിലെ വര്ധന.
ബാങ്കിന്റെ പ്രവര്ത്തന ലാഭം 14 ശതമാനം വര്ധിച്ച് 356.06 കോടി രൂപയിലെത്തി. അറ്റ പലിശ വരുമാനം 707.71 കോടി രൂപയാണ്. പലിശേതര വരുമാനം 171 ശതമാനം ഉയര്ന്നതായും ബാങ്ക് അറിയിച്ചു.
സെപ്റ്റംബറില് അവസാനിച്ച രണ്ടാം ത്രൈമാസത്തില് ബാങ്കിന്റെ ലാഭം 133.17 കോടി രൂപയാണ്. മുന് സാമ്പത്തിക വര്ഷം രണ്ടാം ത്രൈമാസത്തില് ഇത് 120.55 കോടി രൂപയായിരുന്നു. പ്രവര്ത്തന ലാഭം 157.36 കോടി രൂപയില് നിന്നും 174.63 കോടി രൂപയായി ഉയര്ന്നിട്ടുണ്ട്. നിക്ഷേപം 20,987 കോടി രൂപയില് നിന്ന് 25,438 കോടി രൂപയായും വായ്പാ ആസ്തി 17,468 കോടി രൂപയില് നിന്ന് 22,256 കോടി രൂപയായും ഉയര്ന്നു. 10,619 കോടി രൂപയുടെ സ്വര്ണ വായ്പകളാണ് ബാങ്ക് കഴിഞ്ഞ പാദത്തില് വിതരണം ചെയ്തത്.
TAGS: CSB Bank |
സിഎസ്ബി ബാങ്കിന് 567 കോടി അറ്റാദായം
പോയിന്റ് ഓഫ് സെയില് സേവനങ്ങള് വിപുലമാക്കാന് സിഎസ്ബി ബാങ്ക്- ബിജ്ലിപേ സഹകരണം
സിഎസ്ബി ബാങ്കിന് 415 കോടി രൂപ അറ്റാദായം
സിഎസ്ബി ബാങ്ക് മാര്ജിനല് കോസ്റ്റ് ഒഫ് ഫണ്ട്സ് ബേസ്ഡ് ലെന്ഡിംഗ് റേറ്റ് പരിഷ്കരിച്ചു
വാഹന വായ്പകള്ക്കായി സിഎസ്ബി ബാങ്ക് ഡൈമര് ഇന്ത്യയുമായി പങ്കാളിത്തത്തില്