May 2024
മുത്തൂറ്റ് ഫിനാന്സ് എന്സിഡി വഴി 500 കോടി സമാഹരിക്കും
Posted on: February 8, 2023
കൊച്ചി: മുത്തൂറ്റ് ഫിനാന്സിന്റെ സെക്യേര്ഡ് റിഡീമബിള് നോണ് കണ്വെര്ട്ടബിള് ഡിബഞ്ചറുകളുടെ (എന്സിഡി) 30-ാമത് സീരീസ് ഫെബ്രുവരി എട്ടു മുതല് മാര്ച്ച് മൂന്നു വരെ വിതരണം നടത്തും. ആയിരം രൂപ മുഖവിലയുള്ള ഈ എന്സിഡികള് വഴി 500 കോടി രൂപ സമാഹരിക്കാനാണ് ഉദ്ദേശിക്കുന്നത്.
100 കോടി രൂപയാണ് ഇഷ്യുവിന്റെ അടിസ്ഥാന തുക. ഇതിനു പുറമെ അധികമായി സമാഹരിക്കുന്ന 400 കോടി കൂടി കൈവശം വെക്കാനുള്ള അവകാശത്തോടെയാണ് 500 കോടി രൂപ സമാഹരിക്കാനാവുക.
ഐസിആര്എ എഎ പ്ലസ് സ്റ്റേബിള് റേറ്റിങാണ് ഇതിനു നല്കിയിട്ടുള്ളത്. സാമ്പത്തിക ബാധ്യതകള്ക്കു സമയത്തു സേവനം നല്കുന്ന കാര്യത്തില് ഉയര്ന്ന സുരക്ഷിതത്വമാണ് ഈ റേറ്റിംഗിലൂടെ സൂചിപ്പിക്കുന്നത്. എന്സിഡികള് ബിഎസ്ഇയില് ലിസ്റ്റു ചെയ്യാനും ഉദ്ദേശിക്കുന്നുണ്ട്.
വ്യക്തിഗത നിക്ഷേപകര്ക്ക് 8.25 ശതമാനം മുതല് 8.60 ശതമാനം വരെ വിവിധ പലിശ നിരക്കുകള് ലഭിക്കുന്ന ഏഴു നിക്ഷേപ തെരഞ്ഞെടുപ്പുകളാണ് ലഭ്യമായിട്ടുള്ളത്.
TAGS: Muthoot Finance |