April 2024
2022ലെ സംസ്ഥാന വ്യാവസായിക സുരക്ഷാ പുരസ്‌കാരം മാന്‍ കാന്‍കോര്‍ കരസ്ഥമാക്കി
Posted on: March 10, 2023
കൊച്ചി : സംസ്ഥാന സര്‍ക്കാര്‍ ഫാക്റ്ററീസ് ആന്‍ഡ് ബോയിലേഴ്‌സ് വകുപ്പിന്റെ 2022ലെ സംസ്ഥാന വ്യാവസായിക സുരക്ഷാ പുരസ്‌കാരം ആഗോള എക്‌സ്ട്രാക്റ്റ് വിപണിയിലെ പ്രമുഖ കമ്പനിയായ മാന്‍ കാന്‍കോര്‍ കരസ്ഥമാക്കി, വന്‍കിട വ്യവസായങ്ങളുടെ വിഭാഗത്തിലാണ് കമ്പനി അവാര്‍ഡിന് അര്‍ഹമായത്.
മാന്‍ കാന്‍കോറിന്റെ എല്ലാ ഫാക്റ്ററികളിലും വ്യാവസായിക സുരക്ഷിതത്വത്തിനു നല്‍കുന്ന പ്രാധാന്യവും എല്ലാ വിഭാഗം തൊഴിലാളികളുടെയും സുരക്ഷയും ആരോഗ്യവും ഉറപ്പുവരുത്തുന്നതിനായുള്ള സുരക്ഷിത പ്രവര്‍ത്തന രീതികളും പരിഗണിച്ചാണ് അവാര്‍ഡ്. തിരുവനന്തപുരത്ത് നടന്ന ചടങ്ങില്‍ മന്ത്രി വി. ശിവന്‍കുട്ടിയില്‍ നിന്നും മാന്‍ കാന്‍കോര്‍ സീനിയര്‍ വൈസ് പ്രസിഡന്റ് ഓപ്പറേഷന്‍സ് മാത്യു വര്‍ഗീസ്, അസോസിയേറ്റ് ഹെഡ് സേഫ്റ്റി ആന്‍ഡ് ഐആര്‍ ജോ ജോര്‍ജ് പൈനാടത്ത്, അസോസിയേറ്റ് ഹെഡ് പ്രൊഡക്ഷന്‍സി. ജയമോഹനന്‍ എന്നിവര്‍ അവാര്‍ഡ് ഏറ്റുവാങ്ങി.
സുരക്ഷിത തൊഴില്‍ സംസ്‌കാരം നിരന്തരമായി മെച്ചപ്പെടുത്തുന്നതിന് കമ്പനിയിലെ ജീവനക്കാരും മാനേജ്‌മെന്റും ഒത്തുചേര്‍ന്നു നടത്തുന്ന തുടര്‍ച്ചയായ ശ്രമങ്ങള്‍ക്കുള്ള അംഗീകാരമാണ് അവാര്‍ഡെന്ന് മാന്‍ കാന്‍കോര്‍ എക്‌സിക്യൂട്ടിവ് ഡയറക്റ്ററും സിഇഒയുമായ ജീമോന്‍ കോര പറഞ്ഞു.
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള്‍ – വിദഗ്ധര്‍
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്‌ഫോമിന്റെ വരുമാനത്തില്‍ ഇരട്ടി വളര്‍ച്ച
ഇന്‍സ്റ്റിറ്റ്യൂട്ട് ഓഫ് റൂറല്‍ മാനേജ്മന്റും ഇസാഫ് ഫൗണ്ടേഷനും ധാരണാപത്രത്തില്‍ ഒപ്പുവച്ചു
മികച്ച പൊതുമേഖലാ സ്ഥാപനങ്ങള്‍ക്കുള്ള സംസ്ഥാന സര്‍ക്കാറിന്റെ അവാര്‍ഡുകള്‍ വിതരണം ചെയ്തു