May 2024
കോവിഡ്-19 പ്രതിരോധം : ഊബര് സുരക്ഷാ നിലവാരം ഉയര്ത്തുന്നു
Posted on: May 16, 2020
കൊച്ചി : കോവിഡ്-19 പകര്ച്ചവ്യാധിയുടെ പശ്ചാത്തലത്തില് യാത്രക്കാരുടെയും ഡ്രൈവര്മാരുടെയും സുരക്ഷ കൂടുതല് ശക്തമാക്കുന്നതിന്റെ ഭാഗമായി ഊബര് വിവിധ നടപടികള് സ്വീകരിച്ചു. ഡ്രൈവര്മാര്ക്ക് പിപിഇ കിറ്റുകള് നല്കുകയും ബോധവല്ക്കരണ ക്ലാസുകള് സംഘടിപ്പിക്കുകയും ചെയ്തു.
ഊബറിന്റെ പുതിയ സുരക്ഷാ ആപ്പ് ഡ്രൈവര്മാരോട് നിശ്ചിത ട്രിപ്പുകള് കഴിയുമ്പോള് അവരുടെ പിപിഇ സാധനങ്ങള് പുതുക്കാന് ആവശ്യപ്പെടും. അവര്ക്ക് സൗകര്യപ്രദമായ പിക്ക്അപ്പ് പോയിന്റുകളുടെ പട്ടിക നോട്ടിഫിക്കേഷനില് നല്കും. ലൊക്കേഷന് തെരഞ്ഞെടുത്താല് ക്യൂആര് കോഡ് ലഭ്യമാക്കും. ആ പിക്കപ്പ് പോയിന്റിലെ ഊബര് വോളന്റിയര് ക്യൂആര് കോഡ് സ്കാന് ചെയ്ത് പിപിഇ സാധനങ്ങള് ഡ്രൈവര്ക്ക് കൈമാറും.
ഇന്ത്യയിലുടനീളമുള്ള ഡ്രൈവര് സഹകാരികള്ക്ക് സൗജന്യമായി വിതരണം ചെയ്യുന്നതിനായി 30 ലക്ഷം മാസ്ക്കുകള്, 12 ലക്ഷം ഷവര് കാപ്പുകള്, 2 ലക്ഷം അണുനാശിനി ബോട്ടിലുകള്, 2ലക്ഷം സാനിറ്റൈസറുകള് തുടങ്ങിയവ ഊബര് സംഭരിച്ചിട്ടുണ്ട്. പിപിഇ സാമഗ്രഹികള് ഡ്രൈവര്മാര് സ്വയം വാങ്ങുകയാണെങ്കില് അതിന്റെ ചെലവ് ഊബര് തിരിച്ചു നല്കും. ലോക്ക്ഡൗണ് ഇളവുകള് നല്കിയ ശേഷം ഗ്രീന്, ഓറഞ്ച് സോണുകളില് പിപിഇ കിറ്റുകള് വിതരണം ചെയ്യുന്നുണ്ട്.
സുരക്ഷാ നടപടികളുടെ ഭാഗമായി ഊബര് ഡ്രൈവര്മാര്ക്ക് റൈഡ് ഷെയറിങില് ബോധവല്ക്കരണ വീഡിയോ, പ്രവര്ത്തന നടപടികള്, വാഹനം അണുമുക്തമാക്കല് തുടങ്ങി കോവിഡ്-19മായി ബന്ധപ്പെട്ട സുരക്ഷാ പ്രോട്ടോകോളുകള് നിര്ബന്ധമാക്കിയിട്ടുണ്ട്. ഈ വീഡിയോകള് കണ്ട ശേഷമേ ഡ്രൈവര്മാര്ക്ക് ട്രിപ്പിന് അനുവാദം ലഭിക്കുകയുള്ളു.
പ്രോട്ടോകോളുകള് അവര് പാലിക്കുന്നുണ്ടെന്ന് ഉറപ്പു വരുത്താനാണിത്. ഞങ്ങളുടെ പ്ലാറ്റ്ഫോം ഉപയോഗിക്കുന്നവരുടെ സുരക്ഷയാണ് ഏറ്റവും പ്രധാനമെന്നും പകര്ച്ചവ്യാധിയുടെ തുടക്കഘട്ടത്തില് തന്നെ മാസ്ക്കുകളും സാനിറ്റൈസറുകളും ഓര്ഡര് ചെയ്തിരുന്നതായും ഡ്രൈവര്മാര്ക്ക് സുരക്ഷാ സാമഗ്രഹികള് ദീര്ഘനാളത്തേക്ക് ലഭ്യമാകുന്നുണ്ടെന്ന് വിതരണ സാങ്കേതിക വിദ്യ ഉറപ്പാക്കുമെന്നും അധികൃതര് ലോക്ക്ഡൗണ് പിന്വലിക്കുന്നതോടെ ലക്ഷങ്ങള് അവരവരുടെ ജോലികളിലേക്ക് മടങ്ങുമ്പോഴും ഞങ്ങളുടെ സുരക്ഷാ നടപടികള് ശക്തമായി തുടരുമെന്നും ഊബര് ഇന്ത്യ, ദക്ഷിണേഷ്യ സെന്ട്രല് ഓപറേഷന്സ് മേധാവി പവന് വൈഷ് പറഞ്ഞു.
TAGS: Uber |
പാല് സംഭരണത്തില് 6.50 ലക്ഷം ലീറ്ററിന്റെ കുറവ
മലയാളികള്ക്ക് പ്രിയം വിദേശ അവക്കാഡോ, കേരളത്തിലേക്കുള്ള വരവ് കൂടുന്നു
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള് – വിദഗ്ധര്
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്ഫോമിന്റെ വരുമാനത്തില് ഇരട്ടി വളര്ച്ച
ആമസോണ് പ്രൈമിനൊപ്പം ഊബര് റൈഡുകളില് പ്രത്യേക ആനുകൂല്യങ്ങള്
ഊബറിന്റെ ഇന്ത്യയിലെ ഏറ്റവും മികച്ച യാത്രക്കാരില് കൊച്ചിക്കാരും
ക്ലീന് മൊബിലിറ്റിക്കായി സ്റ്റാര്ട്ട്അപ്പ് ഇന്ത്യ, ഐക്രിയേറ്റ് എന്നിവരുമായി ഊബര് സഹകരിക്കുന്നു
ഊബര് റെന്റല്സ് സര്വീസ് 39 നഗരങ്ങളിലേക്ക് വ്യാപിപ്പിക്കുന്നു
ലക്ഷത്തിലധികം ഡ്രൈവര്മാര് ഒരു ഷോട്ട് വാക്സിനെങ്കിലും സ്വീകരിച്ച് ഊബര് സുരക്ഷാ തലം ഉയര്ത്തി