May 2024
സി ബി എസ് ഇ സംസ്ഥാന കൺവൻഷൻ : പാഠ്യപദ്ധതിയിൽ സമൂല മാറ്റം വേണമെന്ന് റിച്ചാർഡ് ഹേ
Posted on: September 23, 2017
കൊച്ചി : രാജ്യത്ത് വിദ്യാഭ്യാസമേഖലയിൽ പാഠ്യപദ്ധതിയിൽ സമൂലമാറ്റം അനിവാര്യമെന്ന് റിച്ചാർഡ് ഹേ എംപി. കൂടുതൽ മികച്ച പാഠ്യപദ്ധതിയിലൂടെയേ വിദ്യാഭ്യാസ മേഖലയിൽ പുരോഗതി സാധ്യമാകൂ എന്നും അദേഹം പറഞ്ഞു. സി ബി എസ് ഇ സ്കൂൾ മാനേജർമാരുടെയും പ്രിൻസിപ്പൽമാരുടെയും സംസ്ഥാന കൺവൻഷൻ കൊച്ചിയിൽ ഉദ്ഘാടനം ചെയ്യുകയായിരുന്നു അദേഹം. രാജ്യത്തെ സി ബി എസ് ഇ സ്കൂളുകൾ മികവിന്റെ കേന്ദ്രങ്ങളാണ്. വിദ്യാഭ്യാസമേഖലയിൽ ഉണ്ടാകുന്ന മാറ്റം തിരിച്ചറിയാൻ കാലഘട്ടത്തിനനുസരിച്ച് അധ്യാപകർക്കും സ്കൂൾ മാനേജർമാർക്കും കഴിയണമെന്നും റിച്ചാർഡ് ഹേ പറഞ്ഞു.
മാനേജ്മെൻറ് ശാക്തീകരണ പദ്ധതികൾ പ്രഫ. കെ വി തോമസ് എംപി ഉദ്ഘാടനം ചെയ്തു. അബ്ദു സമദ് സമദാനി മുഖ്യപ്രഭാഷണം നടത്തി. സി ബി എസ് ഇ സ്കൂളുകൾക്കെതിരെ അപവാദ പ്രചാരണവും അസത്യപ്രചാരണങ്ങളും നടന്നുവരുന്നതായി ചടങ്ങിൽ അധ്യക്ഷത വഹിച്ച കേരള സി ബി എസ് ഇ സ്കൂൾ മാനേജ്മെൻറ് അസോസിയേഷൻ പ്രസിഡണ്ട് അഡ്വ. ടി പി എം ഇബ്രാഹിംഖാൻ കുറ്റപ്പെടുത്തി. കൂട്ടായ്മയുടെ അഭാവം മൂലം സി ബി എസ് ഇ സ്കൂളുകളെ തകർക്കാൻ ചില ശക്തികൾ ശ്രമിക്കുകയാണെന്നും അദേഹം പറഞ്ഞു.
മുതിർന്ന ചാർട്ടേർഡ് അക്കൗണ്ടന്റും അസോസിയേഷൻ ട്രഷററുമായ സി എ എബ്രഹാം തോമസ്, എസ് ബി ഗ്ലോബൽ മെൻറ്റർ ആൻഡ് ട്രെയിനർ ബാലചന്ദ്രൻ എന്നിവർ സാങ്കേതിക സെഷനുകൾ നയിച്ചു. ജനറൽ കൺവീനർ വി ജെ ജോർജ് കുളങ്ങര, ജനറൽ സെക്രട്ടറി ഡോ. ഇന്ദിര രാജൻ, കോർ കമ്മിറ്റി കൺവീനർ കെ എം ഹാരിസ്, പി എസ് രാമചന്ദ്രൻ പിള്ള തുടങ്ങിയവർ സംബന്ധിച്ചു. സമാപന സമ്മേളനം ജസ്റ്റിസ്. സി കെ അബ്ദുൾ റഹീം ഉദ്ഘാടനം ചെയ്തു. സംസ്ഥാനത്തെ 1400 സ്കൂളുകളിൽ നിന്നായി ആയിരത്തഞ്ഞൂറോളം പ്രതിനിധികൾ കൺവൻഷനിൽ പങ്കെടുത്തു.
TAGS: CBSE |
പാല് സംഭരണത്തില് 6.50 ലക്ഷം ലീറ്ററിന്റെ കുറവ
മലയാളികള്ക്ക് പ്രിയം വിദേശ അവക്കാഡോ, കേരളത്തിലേക്കുള്ള വരവ് കൂടുന്നു
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള് – വിദഗ്ധര്
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്ഫോമിന്റെ വരുമാനത്തില് ഇരട്ടി വളര്ച്ച