May 2024
അന്താരാഷ്ട്ര ഓട്ടിസം പാർക്ക് പദ്ധതിയുടെ ഉദ്ഘാടനം ജനുവരി ആറിന്
Posted on: January 5, 2020
കൊച്ചി : കോട്ടയം കോതനല്ലൂരിലെ ലീഡേഴ്സ് ആൻഡ് ലാഡേഴ്സ് ഇന്റർനാഷണൽ ഓട്ടിസം സ്കൂളിന്റെ വാർഷികാഘോഷങ്ങളും 2019 ലെ ലിസ അവാർഡുകളുടെ വിതരണവും ഇന്ത്യയിലെ പ്രഥമ അന്താരാഷ്ട്ര ഓട്ടിസം പാർക്ക് പദ്ധതിയുടെ ഉദ്ഘാടനവും ജനുവരി ആറിന് വൈകുന്നേരം നാലിന് കോതനല്ലൂർ ലിസ ക്യാമ്പസിൽ നടക്കും. ആരോഗ്യ മന്ത്രി കെ കെ ഷൈലജ ടീച്ചർ ലിസ സ്കൂൾ വാർഷികാഘോഷങ്ങളുടെയും ലിസ കാമ്പസിൽ തുടങ്ങുന്ന രാജ്യത്തെ പ്രഥമ അന്താരാഷ്ട്ര ഓട്ടിസം പാർക്ക് പദ്ധതിയുടെയും ഉദ്ഘാടനം നിർവഹിക്കും. പ്ലേ തെറാപ്പി സെന്ററിന്റെ ഉദ്ഘാടനം തോമസ് ചാഴികാടൻ എംപി നിർവഹിക്കും. സെൻസറി ഇന്റഗ്രേഷൻ യുണിറ്റ്, ഒക്ക്യൂപ്പേഷണൽ തെറാപ്പി സെന്റർ എന്നിവയുടെ ഉദ്ഘാടനങ്ങൾ യഥാക്രമം എംഎൽഎമാരായ അഡ്വ. മോൻസ് ജോസഫ്, അഡ്വ. കെ. സുരേഷ് കുറുപ്പ് എന്നിവർ നിർവഹിക്കും.
ലീഡേഴ്സ് ആൻഡ് ലാഡേഴ്സ് ഇൻറർനാഷണൽ സ്കൂൾ ഓഫ് ഓട്ടിസം ഏർപ്പെടുത്തിയ 2019 ലെ ലിസ അവാർഡുകൾ ചടങ്ങിൽ വിതരണം ചെയ്യും. ലിസ ലൈഫ് എൻറിച്ച്മെന്റ് അവാർഡ് ആരോഗ്യ മന്ത്രി കെ കെ ഷൈലജ ടീച്ചറിന് ചടങ്ങിൽ സമ്മാനിക്കും. ലിസ മീഡിയ അവാർഡ് മാധ്യമ പ്രവർത്തകൻ സന്തോഷ് ജോൺ തൂവലിനും, ലിസ ഹെൽത്ത് കെയർ അവാർഡ്, മുവാറ്റുപുഴയിലെ ഡെന്റ്കെയർ ഡെന്റൽ ലാബ് സ്ഥാപകനും എംഡി യുമായ ജോൺ കുര്യാക്കോസിനും നൽകും.
ലിസ ഓട്ടിസം സ്കൂൾ മെൻറ്റർ ഡോ. കെ. എസ്. രാധകൃഷ്ണൻ അധ്യക്ഷനായിരിക്കും. മാഞ്ഞൂർ ഗ്രാമപഞ്ചായത്ത് പ്രസിഡന്റ് സുനു ജോർജ്, സ്റ്റീഫൻ ജോർജ് എക്സ് എംഎൽഎ, മുൻ ജില്ലാ പഞ്ചായത്ത് പ്രസിഡന്റ് സക്കറിയാസ് കുതിരവേലി, ബ്ലോക്ക് പഞ്ചായത്ത് അംഗം ബിജു പഴയപുരയ്ക്കൽ, മാഞ്ഞൂർ ഗ്രാമപഞ്ചായത്ത് അംഗം കോമളവല്ലി രവീന്ദ്രൻ, ഫാ. സെബാസ്റ്റ്യൻ തോണിക്കുഴിയിൽ, ഏറ്റുമാനൂർ മുനിസിപ്പാലിറ്റി മുൻ ചെയർമാൻ ജോയി ഊന്നുകല്ലേൽ, ലിസ ഇന്റർനാഷണൽ ഓട്ടിസം സ്കൂൾ സ്ഥാപകരായ സാബു തോമസ്, ജലീഷ് പീറ്റർ, മിനു ഏലിയാസ്, അവാർഡ് ജേതാക്കളായ സന്തോഷ് ജോൺ തൂവൽ, ഡെന്റ്കെയർ ഡെന്റൽ ലാബ് പ്രൈവറ്റ് ലിമിറ്റഡ് സ്ഥാപകനും എംഡി യുമായ ജോൺ കുര്യാക്കോസ്, ഗായത്രി മോഹൻ എന്നിവർ പ്രസംഗിക്കും.
TAGS: Autism | Jaleesh Peter | Leaders And Ladders Group | Lisa School Of Autism |
അസര്ബെയ്ജാനിലും 12 ആഫ്രിക്കന് രാജ്യങ്ങളിലും പോസ്റ്റ് പെയ്ഡ് റോമിംഗ് പ്ലാനുമായി വി
സണ് നെക്സ്റ്റ് എയര്ടെല് എക്സ്ട്രീം പ്ലേയില് ലഭിക്കും
മലബാര് ഗോള്ഡ് & ഡയമണ്ട്സിന്റെ യുഎസിലെ നാലാമത്തെ ഷോറൂം പ്രവര്ത്തനമാരംഭിച്ചു
മൂന്നാര് പുഷ്പമേളയ്ക്ക് തുടക്കമായി
ഇന്ത്യയിലെ ഏറ്റവും വിശ്വസനീയ ബ്രാന്ഡുകളിലൊന്നായി ടാറ്റാ ബ്ലൂസ്കോപ് സ്റ്റീലിന്റെ ഡൂറാഷൈന്