May 2024
ഉക്രൈൻ വിമാനം 180 യാത്രക്കാരുമായി ഇറാനിൽ തകർന്നു വീണു
Posted on: January 8, 2020
ടെഹ്റാൻ : ഉക്രൈൻ ഇന്റർനാഷണൽ എയർലൈൻസിന്റെ വിമാനം 180 യാത്രക്കാരുമായി ഇറാനിൽ തകർന്നു വീണു. ടെഹ്റാൻ വിമാനത്താവളത്തിൽ നിന്നും പറന്നുയർന്ന ഉടനെ വലിയ സ്ഫോടനത്തോടെയാണ് ബോയിംഗ് 737-800 വിമാനം തകർന്നു വീണത്. ടെഹ്റാനിൽ നിന്നും ഉക്രൈൻ തലസ്ഥാനമായ കീവിലേക്ക് പോകുകയായിരുന്നു. ആരും രക്ഷപ്പെട്ടിരിക്കാനിടയില്ലെന്നാണ് സൂചന. നാല് ഹെലികോപ്ടറുകളും 22 ആംബുലൻസുകളും ഉപയോഗിച്ച് റെഡ് ക്രസന്റ് രക്ഷാപ്രവർത്തനം നടത്തിവരികയാണ്.
ബോയിംഗ് 737-800 വിഭാഗത്തിലുള്ള 24 വിമാനങ്ങളാണ് ഉക്രൈൻ ഇന്റർനാഷണൽ എയർലൈൻസ് ഉപയോഗിക്കുന്നത്. സാങ്കേതിക തകരാറാണ് അപകടകാരണമെന്നാണ് പ്രാഥമിക നിഗമനം. യുഎസ് – ഇറാൻ സംഘർഷത്തിന് അപകടവുമായി ബന്ധമില്ലെന്നാണ് റിപ്പോർട്ട്.
അതേസമയം യു എസ് യാത്രാവിമാനങ്ങൾ ഗൾഫ് മേഖലയിലേക്കുള്ള എല്ലാ സർവീസുകളും നിർത്തി. അമേരിക്കൻ വിമാനങ്ങൾ ഗൾഫ് വ്യോമാതിർത്തികളിൽ പ്രവേശിക്കരുതെന്ന് ഫെഡറൽ ഏവിയേഷൻ മുന്നറിയിപ്പ് നൽകിയിട്ടുണ്ട്.
TAGS: Boeing 737 -800 Flights | Imam Khomeini International Airport | Kiev Airport | Tehran Airport | Ukraine International Airlines |
ട്രാന്സിപ്മെന്റ് തുറമുഖമായി പ്രവര്ത്തിക്കാന് വിഴിഞ്ഞത്തിന് അനുമതി
യുഎഇയുമായുള്ള ഇന്ത്യയുടെ വ്യാപാര ഇടപാട് 15 ശതമാനം വര്ധിച്ചു
നിഫ്റ്റി നെക്സ്റ്റ് 50 ഇന്ഡക്സിലെ ഡെറിവേറ്റീവിന് ഏപ്രില് 24 മുതല് തുടക്കം
മ്യൂച്വല് ഫണ്ട് ആസ്തിയില് റെക്കോര്ഡ് വര്ധന