17
Friday
May 2024
May 2024
പ്രവാസി സ്ഥിരനിക്ഷേപങ്ങള്ക്ക് ഉയര്ന്ന നിരക്കുമായി ഫെഡറല് ബാങ്ക്
Posted on: July 30, 2022
കൊച്ചി : പ്രവാസി സ്ഥിരനിക്ഷേപങ്ങള്ക്ക് ഉയര്ന്ന നിരക്ക് ലഭ്യമാക്കുന്ന പുതിയ പദ്ധതി ഫെഡറല് ബാങ്ക് അവതരിപ്പിച്ചു. 2022 ജൂലൈ 28നും ഓഗസ്റ്റ് നാലിനുമിടയില് 15 മാസ കാലാവധിക്ക് ആരംഭിക്കുന്ന നിക്ഷേപങ്ങള്ക്കാണ് ഉയര്ന്ന നിരക്ക്.
നിലവിലെ നിരക്കുകളേക്കാള് 80 പോയിന്റ് മുകളിലാണ് പുതിയ നിരക്ക്. രണ്ട് കോടി രൂപയോ അതിനു മുകളിലോ ഉള്ള നിക്ഷേപങ്ങള്ക്ക് 6.87 ശതമാനം വാര്ഷിക വരുമാനമാണ് ലഭ്യമാവുന്നത്.
രണ്ട് കോടി രൂപയില് താഴെയുള്ള നിക്ഷേപങ്ങള്ക്ക് 6.61 ശതമാനം വാര്ഷിക വരുമാനവും ലഭിക്കും. പലിശയ്ക്ക് ആദായ നികുതി ബാധകമല്ലാത്തതിനാല് പ്രവാസികള്ക്ക് മികച്ച നിക്ഷേപ അവസരമാണിത്. അത്യാവശ്യ അവസരങ്ങളില് നിക്ഷേപ തുകയുടെ 90 ശതമാനം വരെ വായ്പയും ലഭിക്കുന്നതാണ്.
TAGS: Federal Bank |
News in this Section