18
Saturday
May 2024
May 2024
കാനറ ബാങ്കിന് 406.24 കോടി ലാഭം
Posted on: August 7, 2020
കൊച്ചി : പൊതുമേഖലാ ബാങ്കുകളില് ഒന്നായ കാനറ ബാങ്ക് 2020-2021 സാമ്പത്തിക വര്ഷം ആദ്യ ക്വാര്ട്ടറില് 23.5% വളര്ച്ചയോടെ 406.24 കോടിയുടെ അറ്റാദായം നേടി. കഴിഞ്ഞ സാമ്പത്തിക വര്ഷം ഇതേ കാലയളവില് ലാഭം 329.07 കോടിയായിരുന്നു.
ജൂണ് 30ന് അവസാനിച്ച ക്വാര്ട്ടറില് ബാങ്കിന്റെ പ്രവര്ത്തന വരുമാനം മുന്വര്ഷത്തെ അപേക്ഷിച്ച് 31.82 ശതമാനം വര്ധിച്ച് 4,285 കോടി രൂപയായി. മൊത്ത വരുമാനം 20,685.91 കോടിയായും ഉയര്ന്നു. 2020 മാര്ച്ചില് 9.39 ശതമാനമായിരുന്ന ബാങ്കിന്റെ മൊത്ത നിഷ്ക്രിയ ആസ്തി 8.84 ശതമാനമായും 4.34 ശതമാനമായിരുന്ന അറ്റ നിഷ്ക്രിയ ആസ്തി 3.95 ശതമാനമായും കുറഞ്ഞ് ആസ്തി ഗുണമേന്മ മെച്ചപ്പെടുത്തി. മൂലധന പര്യാപ്താത അനുപാതവും മെച്ചപ്പെട്ട 12.77 ശതമാനമെന്ന നിലയിലെത്തി.
TAGS: Canara Bank |
News in this Section