May 2024
ജെന്‍ റോബോട്ടിക്‌സിന് മെഡിക്കോള്‍ ഗോള്‍ഡന്‍ അവാര്‍ഡ്
Posted on: August 16, 2023
തിരുവനന്തപുരം : ജെന്‍ റോബോട്ടിക്‌സിന് മെഡിക്കോള്‍ മേഡ് ഇന്‍ ഇന്ത്യ ഇന്നവേഷന്‍ 2023 ഗോള്‍ഡന്‍ അവാര്‍ഡ്, പക്ഷാഘാത പരിചരണത്തിനായി ജെന്‍ റോബോട്ടിക്‌സ് വികസിപ്പിച്ച അഡ്വാന്‍സ്ഡ് ഗെയ്റ്റ് ട്രെയ്‌നിങ് റോബോട്ട് ആയജി-ഗെയ്റ്ററിനാണ് പുരസ്‌കാരം.
ചെന്നൈ ട്രേഡ് സെന്റര്‍ കണ്‍വെന്‍ഷന്‍ ഹാളില്‍ നടന്ന ചടങ്ങില്‍ ജെന്‍ റോബോട്ടിക്‌സ് മെഡിക്കല്‍ ആന്‍ഡ് മൊബിലിറ്റി റീജ്യണല്‍ ഡയറക്റ്റര്‍ അഫ്‌സല്‍ മുട്ടുക്കല്‍ ഹെല്‍ത്ത് നാലിക്‌സ് ആന്‍ഡ് ആര്‍എക്‌സ്ഡിഎച്ച്പി ഫൗണ്ടറും ഡയറക്റ്ററുമായ ശ്യാം വാസുദേവ റാവുവില്‍ നിന്ന് പുരസ്‌കാരം ഏറ്റുവാങ്ങി.
ആരോഗ്യ സംരക്ഷണ വ്യവസായത്തിലെ നൂതന സാങ്കേതിക കണ്ടുപിടുത്തങ്ങള്‍ പ്രോത്സാഹിപ്പിക്കുകയും അംഗീകരിക്കുകയും ചെയ്യുന്നതിനാണ് മെഡിക്കോള്‍ മേഡ് ഇന്‍ ഇന്ത്യ ഇന്നവേഷന്‍ പുരസ്‌കാരം നല്‍കുന്നത്.
സിഎംസി വെല്ലൂരിലെ മുന്‍ ഡയറക്റ്റര്‍ വി.ഐ. മതന്‍, ഐഐടി മദ്രാസിലെ സ്‌കൂള്‍ ഒഫ് മെഡിക്കല്‍ സയന്‍സ് ആന്‍ഡ് ടെക്‌നോളജി മേധാവി ഡോ. ബോബി ജോര്‍ജ്, കൊച്ചി അമൃത ആശുപത്രി പീഡിയാട്രിക് കാര്‍ഡിയോളജി ആന്‍ഡ് പീഡിയാട്രിക് കാര്‍ഡിയാക് എംആര്‍ഐ സര്‍വീസസിലെ ഡോ. മഹേഷ് ക
പ്പനയില്‍, ബയോ വേദാസ് മാനെജിങ് ഡയറക്റ്റര്‍ പി.രവികുമാര്‍ എന്നിവരായിരുന്നു ജൂറി.
മസ്തിഷ്‌കാഘാതം, തളര്‍വാതം, അപകടം മൂലം നട്ടെല്ലിനുണ്ടാകുന്ന ക്ഷതം, സെറിബ്രല്‍ പാഴ്‌സി തുടങ്ങിയവയാല്‍ ചലനശേഷി നഷ്ടമായവരെ നടത്തം പരിശീലിപ്പിക്കുന്ന റോബോട്ടാണ് ജി-ഗെയ്റ്റര്‍. പരമ്പരാഗത ഫിസിയോതെറാപ്പി രീതികളെ അപേക്ഷിച്ച് ജി-ഗെയ്റ്ററിന്റെ ആര്‍ട്ടിഫിഷ്യല്‍ ഇന്റലിജിന്‍സ്, വിആര്‍ തുടങ്ങിയ സാങ്കേതിക വിദ്യകള്‍ ഉപയോഗിച്ച് രോഗിക്ക് ചികിത്സ നല്‍കാനും കാര്യക്ഷമമായ രീതിയില്‍ ആരോഗ്യസ്ഥിതി മെച്ചപ്പെടുത്താനും ജി-ഗെയ്റ്ററിനു സാധിക്കും. ജിഗെയ്റ്ററിന്റെ സേവനം ഇപ്പോള്‍ കണ്ണൂര്‍ തണ
ല്‍ ബ്രെയിന്‍ ആന്‍ഡ് സ്‌പെയിന്‍ മെഡിസിറ്റി, തിരുവനന്തപുരം ജനറല്‍ ഹോസ്പിറ്റല്‍, എസ്പി വെല്‍ ഫോര്‍ട്ട്, അരീക്കോട് ആസ്റ്റര്‍ മദര്‍ തുടങ്ങിയ ആശുപത്രികളില്‍ ലഭ്യമാണ്.
റോബോട്ടിക് സ്റ്റാര്‍ട്ടപ്പായ ജെന്‍ റോബോട്ടിക്‌സ് ഏഴ് വര്‍ഷത്തെ പരിശ്രമം കൊണ്ടാണ് ജി-ഗെയ്റ്റര്‍ റോബോട്ടിനെ വികസിപ്പിച്ചത്. മാന്‍ഹോളില്‍ നിന്ന് മാലിന്യങ്ങള്‍ നീക്കാന്‍ ഉപയോഗിക്കുന്ന ‘ബാന്‍ഡിറ്റിയൂട്ട് റോബോട്ടിനെ വികസിപ്പിച്ചതിലൂടെ ജെന്‍ റോബോട്ടിക്‌സ് ഇന്ത്യന്‍ സ്റ്റാര്‍ട്ടപ്പ് ആവാസവ്യവസ്ഥയില്‍ ശ്രദ്ധ നേടിയിരുന്നു.
പാല്‍ സംഭരണത്തില്‍ 6.50 ലക്ഷം ലീറ്ററിന്റെ കുറവ
മലയാളികള്‍ക്ക് പ്രിയം വിദേശ അവക്കാഡോ, കേരളത്തിലേക്കുള്ള വരവ് കൂടുന്നു
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള്‍ – വിദഗ്ധര്‍
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്‌ഫോമിന്റെ വരുമാനത്തില്‍ ഇരട്ടി വളര്‍ച്ച