May 2024
ടൈ കേരള ലൈഫ് ടൈം അച്ചീവ്മെന്റ് അവാർഡ് പി.കെ. അഹമ്മദിന്
Posted on: January 26, 2021
കൊച്ചി: വ്യവസായികളുടെ കൂട്ടായ്മയായ ‘ടൈ കേരള’ ഏര്‍പ്പെടുത്തിയ കഴിഞ്ഞവര്‍ഷത്തെ ലൈഫ് ടൈം അച്ചീവ്മെന്റ് അവാര്‍ഡിന് പീകെ ഗ്രൂപ്പ് ചെയര്‍മാന്‍ പി.കെ. അഹമ്മദ് അര്‍ഹനായി. വി-ഗാര്‍ഡ് ഇന്‍ഡസ്ട്രീസ് മാനേജിങ് ഡയറക്ടര്‍ മിഥുന്‍ ചിറ്റിലപ്പിള്ളിക്കാണ് നെക്സ്റ്റ് ജനറേഷന്‍ അച്ചീവര്‍ അവാര്‍ഡ്.
എന്‍ട്രപ്രണര്‍ ഓഫ് ദി ഇയറായി ലൂക്കര്‍ ഇലക്ട്രിക് എം.ഡി.യും സ്ഥാപകനുമായ വി. ജ്യോതിഷ്‌കുമാറിനെ തിരഞ്ഞെടുത്തു. എമര്‍ജിങ് എന്‍ട്രപ്രണര്‍ ഓഫ് ദി ഇയര്‍ അവാര്‍ഡിന് ജെന്‍ റോബോട്ടിക്‌സ് സഹ-സ്ഥാപകനും സി.ഇ.ഒ.യുമായ വിമല്‍ ഗോവിന്ദ് അര്‍ഹനായി.
മറ്റ് അവാര്‍ഡ് ജേതാക്കള്‍: സ്റ്റാര്‍ട്ട് അപ്പ് എന്‍ട്രപ്രണര്‍ ഓഫ് ദി ഇയര്‍ -റാപ്പിഡോര്‍ സ്ഥാപകനും സി.ഇ.ഒ.യുമായ തോംസണ്‍ സ്‌കറിയ, ഇക്കോ സിസ്റ്റം ഇനേബ്ലര്‍ അവാര്‍ഡ് -മൈസോണ്‍ ചെയര്‍മാന്‍ ഷിലന്‍ സഗുണന്‍, ബിസിനസ് മോഡല്‍ ആന്‍ഡ് പ്രോസസ് ഇന്നവേഷന്‍ അവാര്‍ഡ് -ഗ്രീന്‍ വേംസ് സ്ഥാപകന്‍ ജബീര്‍ കാരാട്ട്.
സംസ്ഥാനത്ത് സംരംഭകത്വവും അതിനുള്ള ആവാസ വ്യവസ്ഥയും സൃഷ്ടിക്കുന്നവര്‍ക്ക് പ്രോത്സാഹനമേകാനാണ് ഈ അവാര്‍ഡെന്ന് ടൈ കേരള പ്രസിഡന്റ് അജിത് മൂപ്പന്‍ പറഞ്ഞു. ഫെബ്രുവരിയില്‍ കൊച്ചിയില്‍ നടക്കുന്ന ചടങ്ങില്‍ അവാര്‍ഡുകള്‍ സമ്മാനിക്കും.
പാല്‍ സംഭരണത്തില്‍ 6.50 ലക്ഷം ലീറ്ററിന്റെ കുറവ
മലയാളികള്‍ക്ക് പ്രിയം വിദേശ അവക്കാഡോ, കേരളത്തിലേക്കുള്ള വരവ് കൂടുന്നു
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള്‍ – വിദഗ്ധര്‍
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്‌ഫോമിന്റെ വരുമാനത്തില്‍ ഇരട്ടി വളര്‍ച്ച