May 2024
ജിയോ ഫൈബര് അതിവേഗ ബ്രോഡ്ബാന്ഡ് സേവനം കേരളത്തിലെ 33 നഗരങ്ങളിലേക്ക് വ്യാപിച്ചു
Posted on: May 14, 2022
കൊച്ചി : അതിവേഗ ബ്രോഡ്ബാന്ഡ് സേവനമായ ജിയോ ഫൈബര്, കേരളത്തില് അതിന്റെ സാന്നിധ്യം കൂടുതല് ശക്തമാക്കി. ജിയോ ഫൈബര് ഇപ്പോള് സംസ്ഥാനത്തെ 33 പ്രധാന നഗരങ്ങളിലേക്കും പട്ടണങ്ങളിലേക്കും എത്തിയിരിക്കുന്നു.
കൊച്ചി, തിരുവനന്തപുരം, കോഴിക്കോട്, തൃശൂര് തുടങ്ങിയ പ്രധാന നഗരങ്ങള്ക്ക് പുറമെ ജിയോ ഫൈബര് ആലപ്പുഴ, അങ്കമാലി, ചങ്ങനാശ്ശേരി, ഗുരുവായൂര്, ഇരിഞ്ഞാലക്കുട, കാഞ്ഞങ്ങാട്, കണ്ണൂര്, കാസര്ഗോഡ്, കായംകുളം, കൊടുങ്ങലൂര്, കൊല്ലം, കൊണ്ടോട്ടി, കോട്ടയം, കുന്നംകുളം, കുന്നത്തുനാട്, മാഹീ, മലപ്പുറം, മഞ്ചേരി, മാവേലിക്കര, മൂവാറ്റുപുഴ, നെടുമങ്ങാട്, നെയ്യാറ്റിന്കര, പാലക്കാട്, പയ്യന്നൂര്, പെരിന്തല്മന്ന, കൊയിലാണ്ടി, തലശ്ശേരി, തീരുര്, തിരുവല്ല എന്നിവടങ്ങളിലും ലഭ്യമാണ്.
2022 അവസാനത്തോടെ 60 നഗരങ്ങളിലേക്ക് കൂടി ജിയോ ഫൈബര് വ്യാപിക്കാന് പദ്ധതിയിടുകയാണ്. നിലവില് കേരളത്തില് 1.8 ലക്ഷത്തിലധികം ഉപഭോക്താക്കളാണ് ജിയോ ഫൈബര് സേവനം ഉപയോഗിക്കുന്നത്. കുടുംബങ്ങള് മുതല് ചെറുകിട, വന്കിട സംരംഭങ്ങള്, വിവിധ മേഖലകളിലെ പ്രൊഫഷണലുകള് എന്നിവ ഉള്പ്പെടുന്ന ഉപഭോക്താക്കള്ക്ക് ജിയോ ഫൈബര് പരിധിയില്ലാത്ത വിനോദം, വാര്ത്തകള്, ആരോഗ്യം, വിദ്യാഭ്യാസം തുടങ്ങിയ പ്ലാറ്റ്ഫോമുകളിലേക്കുള്ള ആക്സസ് ഉപയോഗിച്ച് സമ്പുഷ്ടമായ അനുഭവമാണ് നല്കുന്നത്.
ജിയോ ഫൈബര് പുതിയ പോസ്റ്റ്-പെയ്ഡ് കണക്ഷനോടൊപ്പം ഇപ്പോള് ജിയോ സൗജന്യമായി സെറ്റ്-ടോപ്പ് ബോക്സ്, റൗട്ടര്, ഇന്സ്റ്റാളേഷന് എന്നിവ നല്കുന്നു.
399 മുതല് തുടങ്ങുന്ന പ്ലാനുകളില് അണ്ലിമിറ്റഡ് ഹൈ-സ്പീഡ് ഇന്റര്നെറ്റ് മാത്രമാണ് ഉള്പ്പെടുന്നത്. ഇതിനോടൊപ്പം പ്രതിമാസം 100 രൂപ മുതല് 200 രൂപ കൂടുതല് കൊടുത്താല്, ഉപയോക്താക്കള്ക്ക് വലിയ സ്ക്രീനിലും ചെറിയ സ്ക്രീനിലും മുന്നിരയിലുള്ള 14 ഓ ടി ടി ആപ്പുകളിലേക്ക് ആക്സസ് ലഭിക്കും.
അതുവഴി ഉപയോക്താക്കള്ക്ക് ഇഷ്ടപെട്ട സിനിമകള്, ടിവി ചാനലുകള്, വീഡിയോ -ഓണ്-ഡിമാന്ഡ്, വാര്ത്തകള്, സ്പോര്ട്സ് എന്നീ ചാനലുകളിലൂടെ കൂടുതല് പരിപാടികള് ആസ്വദിക്കാം.
TAGS: Jio Fiber |
അസര്ബെയ്ജാനിലും 12 ആഫ്രിക്കന് രാജ്യങ്ങളിലും പോസ്റ്റ് പെയ്ഡ് റോമിംഗ് പ്ലാനുമായി വി
സണ് നെക്സ്റ്റ് എയര്ടെല് എക്സ്ട്രീം പ്ലേയില് ലഭിക്കും
മലബാര് ഗോള്ഡ് & ഡയമണ്ട്സിന്റെ യുഎസിലെ നാലാമത്തെ ഷോറൂം പ്രവര്ത്തനമാരംഭിച്ചു
മൂന്നാര് പുഷ്പമേളയ്ക്ക് തുടക്കമായി
ഇന്ത്യയിലെ ഏറ്റവും വിശ്വസനീയ ബ്രാന്ഡുകളിലൊന്നായി ടാറ്റാ ബ്ലൂസ്കോപ് സ്റ്റീലിന്റെ ഡൂറാഷൈന്