May 2024
പെര്ഫ്യൂം’ പ്രേക്ഷകരിലേക്ക് ; 18 ന് തിയേറ്ററിലെത്തും
Posted on: November 14, 2022
കൊച്ചി : തെന്നിന്ത്യന് താരം കനിഹയുടെ പുതിയ ചിത്രം ‘പെര്ഫ്യൂം’ 18 ന് റിലീസ് ചെയ്യും. പ്രേക്ഷകര് ഇതുവരെ കാണാത്ത കനിഹയുടെ ശ്രദ്ധേയമായ ഒരു കഥാപാത്രമാണ് പെര്ഫ്യൂമിലേത്.
ഹരിദാസ് സംവിധാനം ചെയ്ത ചിത്രമാണ് പെര്ഫ്യൂം.
മലയാളികളുടെ പ്രിയതാരങ്ങളായ കനിഹ, പ്രതാപ് പോത്തന്,ടിനി ടോം എന്നിവരാണ് പ്രധാന കഥാപാത്രങ്ങളായി എത്തുന്നത്. നഗരജീവിതം ഒരു വീട്ടമ്മയുടെ ജീവിതത്തില് ഉണ്ടാക്കുന്ന പ്രതിസന്ധികളും പ്രയാസങ്ങളും ആണ് പെര്ഫ്യൂം ആവിഷ്ക്കരിക്കുന്ന കഥാപശ്ചാത്തലം. അപ്രതീക്ഷിതമായി നഗരത്തില് ജീവിക്കേണ്ടിവരുന്ന ഒരു സ്ത്രീയില് നഗരത്തിന്റെ സ്വാധീനം എത്രമാത്രം തീവ്രമാണെന്നും, നഗരത്തിന്റെ പ്രലോഭനങ്ങളില് പെട്ടുപോകുന്ന അവളുടെ ജീവിതത്തിലുണ്ടാകുന്ന വെല്ലുവിളികളും ആഘാതവുമാണ് ചിത്രം ചര്ച്ച ചെയ്യുന്നത്.
മോത്തി ജേക്കബ് പ്രൊഡക്ഷന്സിന്റെയും.വോക്ക് മീഡിയയുടെയും നന്ദനമുദ്ര ഫിലിംസിന്റെയും ബാനറില് ഹരിദാസ് സംവിധാനം ചെയ്യുന്ന പെര്ഫ്യൂം നിര്മ്മിച്ചിരിക്കുന്നത് മോത്തി ജേക്കബ് കൊടിയാത്തും രാജേഷ് ബാബു കെ ശൂരനാടും ചേര്ന്നാണ്. പാട്ടുകള്ക്ക് വളരെയേറെ പ്രാധാന്യം നല്കിയിട്ടുള്ള ഈ ചിത്രത്തിലെ ഗാനങ്ങളും പശ്ചാത്തല സംഗീതവും സംഗീതം നല്കിയിരിക്കുന്നത് രാജേഷ് ബാബു കെ ശൂരനാട് ആണ്. 2021 ലെ ഏറ്റവും നല്ല ഗായികയ്ക്കുള്ള ഫിലിം ക്രിട്ടിക്സ് അവാര്ഡ് കെ എസ് ചിത്രയ്ക്കും ഗായകനുള്ള അവാര്ഡ് പി കെ സുനില്കുമാറിനും ലഭിച്ചിട്ടുള്ളത് ഈ ചിത്രത്തിലെ ‘നീലവാനം താലമേന്തി, ശരിയേത് തെറ്റേത് എന്നീ ഗാനങ്ങളുടെ ആലാപനത്തിനാണ് .
സന്ഹ ആര്ട്സ് ചിത്രം തിയേറ്ററിലെത്തിക്കും. കനിഹ, പ്രതാപ് പോത്തന്, ടിനി ടോം, ദേവി അജിത്ത്, പ്രവീണ എന്നിവരാണ് ചിത്രത്തിലെ അഭിനേതാക്കള്.
ബാനര്- മോത്തി ജേക്കബ് പ്രൊഡക്ഷന്സ് – വോക്ക് മീഡിയ,നന്ദന മുദ്ര ഫിലിംസ്, സംവിധാനം-ഹരിദാസ്, നിര്മ്മാണം- മോത്തി ജേക്കബ് കൊടിയാത്ത്, രാജേഷ് ബാബു കെ ശൂരനാട്, രചന- കെ പി സുനില്, ക്യാമറ- സജെത്ത് മേനോന്, പ്രൊഡക്ഷന് കണ്ട്രോളര് ഷാജി പട്ടിക്കര സംഗീതം-രാജേഷ് ബാബു കെ,, എഡിറ്റിംഗ് അമൃത് ലുക്കാ മീഡിയ,ഗാനരചന- ശ്രീകുമാരന് തമ്പി, സുധി, അഡ്വ.ശ്രീരഞ്ജിനി, കോപ്രൊഡ്യൂസേഴ്സ് ശരത്ത് ഗോപിനാഥ്,, സുധി , ആര്ട്ട്- രാജേഷ് കല്പത്തൂര്, കോസ്റ്റ്യൂം- സുരേഷ് ഫിറ്റ്വെല്, മേക്കപ്പ്-പാണ്ഡ്യന്, സ്റ്റില്സ്- വിദ്യാസാഗര്, പി ആര് ഒ – പി ആര് സുമേരന്, പോസ്റ്റര് ഡിസൈന്- മനോജ് ഡിസൈന് എന്നിവരാണ് ചിത്രത്തിലെ അണിയറ പ്രവര്ത്തകര്. പി.ആര്.സുമേരന്.9446190254.
TAGS: Perfume Movie |
ഉണ്ണി മുകുമന്ദനെ നായകനാക്കി ഹനീഫ് അദേനി ഒരുക്കുന്ന ആക്ഷന് എന്റര്ടെയ്നര് മാര്ക്കോ
ജി.കെ.എന്.പിള്ള ഒരുക്കിയ അങ്കിളും കുട്ട്യോളും മെയ് 10 ന് റിലീസ് ചെയ്യും.
സംവിധായകന് അനുറാം നിര്മ്മാണ രംഗത്തേക്ക്,പുതിയ ചിത്രം ‘മറുവശം’ഫസ്റ്റ് ലുക്ക് പോസ്റ്റര് പുറത്ത്
ഓസ്ട്രേലിയയില് നിന്നുള്ള ആദ്യ മലയാളം വെബ് സീരീസിന് മലയാളിയായ ജോയ് കെ. മാത്യു തുടക്കം കുറിച്ചു.
ജോയ് .കെ .മാത്യുവിന്റെ ‘അണ്ബ്രേക്കബിള്’ ചിത്രീകരണം പൂര്ത്തിയായി
തെന്നിന്ത്യന് താരം കനിഹ കേന്ദ്രകഥാപാത്രമാകുന്ന ‘പെര്ഫ്യൂം’ പ്രേക്ഷകരിലേക്ക്
ഭാവാര്ദ്രഗാനവുമായി വീണ്ടും ശ്രീകുമാരന്തമ്പി
‘പെര്ഫ്യൂം’ട്രെയ്ലര് തരംഗമായി. സംവിധായകന് ഹരിദാസ് ഒരുക്കിയ ചിത്രം ഒ ടി ടി യിലാണ് റിലീസ്
പെര്ഫ്യൂം റിലീസിനൊരുങ്ങി; പ്രശസ്ത സംവിധായകന് ഹരിദാസ് ഒരുക്കിയ ചിത്രം ഒ ടി ടി യില് റിലീസ് ചെയ്യും.