May 2024
വിമാനത്താവളം – മെട്രോ ബസ് സര്വീസ് തുടങ്ങി
Posted on: February 21, 2020
നെടുമ്പാശ്ശേരി : കൊച്ചി വിമാനത്താവളത്തില് നിന്ന് കൊച്ചി മെട്രോയിലേക്ക് തുടര്ച്ചയായ യാത്രാ സൗകര്യം ഒരുക്കി. വിമാനത്താവളത്തെയും കൊച്ചി മെട്രോയെയും ബന്ധിപ്പിക്കുന്ന പവന് ദൂത് ബസുകള്ക്ക് പൂര്ണമായും വൈദ്യുതിയാണ് ഇന്ധനം.
കൊച്ചി വിമാനത്താവളത്തില് നടന്ന ചടങ്ങില് സിയാല് മാനേജിംഗ് ഡയറക്ടര് വി. ജെ. കുര്യന് പവന് ദൂത് ബസ് സര്വീസ് ഫ്ളാഗ് ഓഫ് ചെയ്തു. ആദ്യ യാത്രക്കാരന് കൊച്ചി മെട്രോ മാനേജിംഗ് ഡയറക്ടര് അല്കേഷ് കുമാര് ശര്മ ടിക്കറ്റ് നല്കി. രാവിലെ അഞ്ച് മുതല് വിമാനത്താവളത്തിന്റെ ടെര്മിനല് -1, ടെര്മിനല് – 2 എന്നിവിടങ്ങളില് ഒരുക്കിയിട്ടുള്ള പോയിന്റുകളില്നിന്ന് ബസ് സര്വീസ് പുറപ്പെടും. 5.40 മുതല് ആലുവയില് മെട്രോ സ്റ്റേഷനില് നിന്ന് വിമാനത്താവളത്തിലേക്കും സര്വീസ് ഉണ്ടാകും. രാത്രി പത്തിനാണ് അവസാന സര്വീസ്, മുപ്പത് സീറ്റുകള്, ലഗേജ് സ്ഥലം എന്നിവ ബസിലുണ്ട്.
ആദ്യഘട്ടമായി രണ്ട് ബസുകളാണ് സര്വീസ് നടത്തുക. 40 മിനിറ്റ് ഇടവേളകളില് വിമാനത്താവളത്തില് നിന്ന് ആലുവ മെട്രോ സ്റ്റേഷനിലേക്കും തിരിച്ചും തുടര്ച്ചയായി ബസ് സര്വീസ് ഉണ്ടാകും. 50 രൂപയാണ് ഒറ്റയാത്രയ്ക്കുള്ള നിരക്ക്.
എയര്പോര്ട്ട് ഡയറക്ടര് എ. സി.കെ. നായര്, എക്സിക്യൂട്ടീവ് ഡയറക്ടര്മാരായ എ. എം. ഷബീര്, സജി കെ. ജോര്ജ്, ചീഫ് ഫിനാന്ഷ്യല് ഓഫീസര് സുനില് ചാക്കോ, കൊച്ചി മെട്രോ ഡയറക്ടര്മാരായ ഡി. കെ. സിന്ഹ, കെ. ആര്. കുമാര്, വാഹന കരാറുകാരായ മഹാ വോയേജ് മാനേജിംഗ് ഡയറക്ടര് വിക്രം തുടങ്ങിയവര് പങ്കെടുത്തു.
TAGS: Metro Bus |
ഇത്തിഹാദ് വിമാനങ്ങളില് കാസിനോ സര്വ്വീസ്
മാലദ്വീപിലേക്ക് സര്വീസ് പുനരാരംഭിച്ചു
ബാഗേജ് ട്രാക്ക് ചെയ്യാനുള്ള സൗകര്യം ഇനി മുതല് എയര് ഇന്ത്യ എക്സ്പ്രസില്
കേരളത്തില് നിന്ന് കൂടുതല് വിമാന സര്വീസുകളുമായി എയര് ഇന്ത്യ എക്സ്പ്രസ്
പ്രതിദിനം 365 സര്വീസുകളുമായി എയര് ഇന്ത്യ എക്സ്പ്രസിന്റെ സമ്മര് ഷെഡ്യൂള്
മൂന്നാര് പുഷ്പമേളയ്ക്ക് തുടക്കമായി
കണ്ടംകുളത്തി വൈദ്യശാലയുടെ പുതിയ കോര്പറേറ്റ് ഓഫീസ് ഉദ്ഘാടനം മെയ് 6ന്
സംസ്ഥാനത്ത് 22 ലക്ഷം 5 ജി വരിക്കാരുമായി എയര്ടെല്
കെബിസി ഗ്ലോബല് ഓഹരികള് കരസ്ഥമാക്കി മിനര്വ വെഞ്ച്വേഴ്സ് ഫണ്ട്
പങ്കാളിത്ത ഉത്പ്പന്നങ്ങള്ക്ക് 1383 കോടി ബോണസ് പ്രഖ്യാപിച്ച് ബജാജ് അലയന്സ് ലൈഫ്