മുംബൈയിൽ ഹെലികോപ്ടർ തകർന്ന് രണ്ട് പേർ മരണമടഞ്ഞു

Posted on: December 11, 2016

മുംബൈ : ഗൊരെഗാവിന് അടുത്ത് ആരെയ് മിൽക് കോളനിയിൽ ഹെലികോപ്ടർ തകർന്നു വീണ് രണ്ട് പേർ മരണമടഞ്ഞു. രാവിലെ 11.30 ടെയുണ്ടായ അപകടത്തിൽ നാല് പേർക്ക് ഗുരുതരമായി പരിക്കേറ്റു. പരിക്കേറ്റവരെ സെവൻ ഹിൽസ് ആശുപത്രിയിൽ പ്രവേശിപ്പിച്ചു. നാല് വിനോദസഞ്ചാരികളും രണ്ട് വൈമാനികരുമാണ് കോപ്ടറിലുണ്ടായിരുന്നത്.

മുംബൈയിൽ ആകാശ യാത്ര നടത്തിയ വിനോദസഞ്ചാരികളാണ് അപകടത്തിൽപ്പെട്ടത്. അമാൻ ഏവിയേഷന്റെ റോബിൻസൺ ആർ 44 അസ്‌ട്രോ ഹെലികോപ്ടറാണ് അപകടത്തിൽപ്പെട്ടത്. 1992 ൽ നിർമ്മിച്ച ഹെലികോപ്ടർ പവൻ ഹാൻസിൽ നിന്നും 2001 ലാണ് അമാൻ ഏവിയേഷൻ വാങ്ങിയത്.

TAGS: Aarey Colony | Aman Aviation | Chopper Crashes | Robinson R44 Astro Chopper | Seven Hills Hospital |