May 2024
എ സി സി എ യും സ്കിൽ ഡവലപ്മെൻറ് കോർപ്പറേഷനുമായി ധാരണ
Posted on: July 25, 2016
കൊച്ചി : അസോസിയേഷൻ ഓഫ് ചാർട്ടേഡ് സർട്ടിഫൈഡ് അക്കൗണ്ടന്റസ് യോഗ്യതാ പരിശീലനത്തിൽ ഗുണമേന്മയും താങ്ങാനാവുന്ന ചെലവും ഉറപ്പ് വരുത്തുന്നതിനായി അസോസിയേഷൻ ഓഫ് ചാർട്ടേഡ് സർട്ടിഫൈഡ് അക്കൗണ്ടന്റസ് ഓഫ് യു. കെ. ഇന്റർനാഷണൽ സ്കിൽ ഡവലപ്മെൻറ് കോർപ്പറേഷനുമായി കൈകോർക്കുന്നു. എ സി സി എ യുടെ ഇന്ത്യയിലെ അംഗീകൃത പഠന പങ്കാളികളിൽ വിദ്യാർഥികളുടെ എണ്ണത്തിൽ പ്രഥമ സ്ഥാനത്തുള്ള ഐ എസ് ഡി സി ക്കുള്ള അംഗീകാരം കൂടിയാണ് പുതിയ കൂട്ടുകെട്ട്.
മത്സരാധിഷ്ഠിത സാമ്പത്തിക സാഹചര്യത്തിൽ കോർപ്പറേറ്റുകൾ കാര്യക്ഷമതയും കൃത്യതയും മികച്ച റിസോഴ്സ് മാനേജ്മെന്റും ഉറപ്പ് വരുത്തുന്നതിനായി ടോപ് മാനേജ്മെന്റിൽ മികച്ച യോഗ്യതയുള്ള പ്രൊഫഷണൽ അക്കൗണ്ടന്റുമാർക്ക് വേണ്ടിയുള്ള അന്വേഷണത്തിലാണെന്നും എ. സി. സി. എ യോഗ്യത നേടിയവർക്ക് വ്യവസായ, വാണിജ്യ, കോർപ്പറേറ്റ് മേഖലയിൽ മികച്ച സാധ്യതകളാണ് ഉള്ളതെന്നും എ. സി. സി. എ എമർജിംഗ് മാർക്കറ്റ്സ് മേധാവി ലൂസിയ റീൽ മാർട്ടിൻ അഭിപ്രായപ്പെട്ടു.
പ്രൊഫഷണൽ അക്കൗണ്ടന്റുമാർക്ക് ആഗോളതലത്തിൽ വൻ ഡിമാൻറ് ഉണ്ടെന്നും എന്നാൽ മികച്ച യോഗ്യതയും കാര്യക്ഷമതയുമുള്ളവരുടെ എണ്ണം തൊഴിലവസരങ്ങളെക്കാൾ വളരെ കുറവാണ്. 181 രാജ്യങ്ങളിൽ എ സി സി എ യോഗ്യതയുള്ളവർ പ്രാക്ടീസ് ചെയ്യുന്നുണ്ടെന്നും ലൂസിയ ചൂണ്ടിക്കാട്ടി.
കേരളത്തിലെ ആദ്യ ഐ എസ് ഡി എ നേരിട്ടുള്ള പരിശീലന കേന്ദ്രം കൊച്ചിയിൽ ലൂസിയ റീൽ മാർട്ടിൻ ഉദ്ഘാടനം ചെയ്തു. രാജ്യവ്യാപകമായി ഐ എസ് ഡി സി ഡയറക്ട് ആരംഭിക്കുന്ന 30 പരിശീലന കേന്ദ്രങ്ങളിൽ 9 എണ്ണം കേരളത്തിൽ ആയിരിക്കുമെന്ന് ഐ എസ് ഡി സി അക്കാദമിക് റിലേഷൻസ് ഡയറക്ടർ വേണുഗോപാൽ വി മേനോൻ അറിയിച്ചു. എ സി സി എ യുടെ ഗോൾഡ് സ്റ്റാറ്റസുള്ള ലേണിംഗ് പാർട്ണറാണ് ഐ എസ് ഡി സി.
അടുത്ത മൂന്ന് വർഷത്തിനുള്ളിൽ പരിശീലന കേന്ദ്രങ്ങളുടെ എണ്ണം ഘട്ടംഘട്ടമായി 100 ആയി ഉയർത്തും. എല്ലാ ഐ എസ് ഡി സി ഡയറക്ട് പരിശീലന കേന്ദ്രങ്ങളും എ സി സി എ യുടെ അംഗീകൃത പരിശീലന പങ്കാളിയും കമ്പ്യൂട്ടർ അധിഷ്ഠിത പരീക്ഷാ കേന്ദ്രവും ആയിരിക്കും.
എ സി സി എ ഇന്റർനാഷണൽ ഡവലപ്മെൻറ് മേധാവി സാജിദ് ഖാൻ, ഐ എസ് ഡി സി അഡ്മിനിസ്ട്രേഷൻ ഡയറക്ടർ ടി.എൻ. പ്രസാദ് എന്നിവരും വാർത്താസമ്മേളനത്തിൽ പങ്കെടുത്തു.
TAGS: ACCA | Association Of Chartered Certified Accountants | International Skill Development Corporation | ISDC |
മൂന്നാര് പുഷ്പമേളയ്ക്ക് തുടക്കമായി
കണ്ടംകുളത്തി വൈദ്യശാലയുടെ പുതിയ കോര്പറേറ്റ് ഓഫീസ് ഉദ്ഘാടനം മെയ് 6ന്
സംസ്ഥാനത്ത് 22 ലക്ഷം 5 ജി വരിക്കാരുമായി എയര്ടെല്
കെബിസി ഗ്ലോബല് ഓഹരികള് കരസ്ഥമാക്കി മിനര്വ വെഞ്ച്വേഴ്സ് ഫണ്ട്
പങ്കാളിത്ത ഉത്പ്പന്നങ്ങള്ക്ക് 1383 കോടി ബോണസ് പ്രഖ്യാപിച്ച് ബജാജ് അലയന്സ് ലൈഫ്