April 2024
‘ജമീലാന്റെ പൂവന്കോഴി’ പ്രേക്ഷകരിലേക്ക്. ചിത്രത്തിന്റെ ഫസ്റ്റ്ലുക്ക് പോസ്റ്റര് പുറത്ത്.
Posted on: August 28, 2023
കൊച്ചി : നവാഗതനായ ഷാജഹാന് സംവിധാനം ചെയ്ത ‘ജമീലാന്റെ പൂവന്കോഴി’ തിയേറ്ററിലേക്ക്. ബിന്ദു പണിക്കര് ‘ജമീല’ എന്ന വേറിട്ട കഥാപാത്രത്തെ ഒരുക്കുന്ന പുതുമയുള്ള ചിത്രം കൂടിയാണ് ജമീലാന്റെ പൂവന്കോഴി. പ്രമുഖ സംവിധായകരും താരങ്ങളുമായ നാദിര്ഷയുടെയും രമേഷ് പിഷാരടിയുടെയും ഫെയ്സ്ബുക്ക് പേജിലൂടെ ചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസ് ചെയ്തു.
നര്മ്മരസങ്ങളായ ജീവിതമുഹൂര്ത്തങ്ങളെ കോര്ത്തിണക്കി നമുക്ക് ചുറ്റും നടക്കുന്ന സാമൂഹിക പ്രശ്നങ്ങളെ വെള്ളിത്തിരയിലെത്തിക്കുന്ന ജമീലാന്റെ പൂവന്കോഴി അടുത്ത മാസം തിയേറ്ററിലെത്തും. ഇത്ത പ്രൊഡക്ഷന്സിന്റെ ബാനറില് ഫസല് കല്ലറയ്ക്കല്, നൗഷാദ് ബക്കര് എന്നിവരാണ് ചിത്രം നിര്മ്മിക്കുന്നത്. എറണാകുളം പശ്ചിമകൊച്ചിയുടെ സാമൂഹിക പശ്ചാത്തലത്തിലാണ് സിനിമയുടെ കഥ പറയുന്നത്.അവിടെയൊരു കോളനിയിലെ സാധാരണക്കാരായ മനുഷ്യരുടെ ജീവിതപ്രശ്നങ്ങളിലൂടെയാണ് ചിത്രം കടന്നുപോകുന്നത്.ഈ സിനിമ ഇപ്പോള് നമുക്ക് ചുറ്റും നടക്കുന്ന ചില സാമൂഹിക പ്രശ്നങ്ങളിലേക്കും വിരല്ചൂണ്ടുന്നു. വളരെ സിംപിളായി കഥ പറയുന്നതാണ് ജമീലാന്റെ പൂവന്കോഴിയുടെ വ്യത്യസ്തത.
ഒരു കോളനിയുടെ പശ്ചാത്തലത്തില് ഒരു അമ്മയുടെയും മകന്റെയും കഥ പറയുന്ന ഈ സിനിമ കേവലം കുടുംബകഥ മാത്രമല്ല അതിനുമപ്പുറം വളരെ ഗൗരവമായ ചില പ്രശ്നങ്ങളിലേക്കും കഥ നീണ്ടുപോകുകയാണ്. കോമഡിക്ക് ഏറെ പ്രാധാന്യമുള്ള ഒരു ഫാമിലി എന്റര്ടെയ്നര് കൂടിയാണ് ജമീലാന്റെ പൂവന്കോഴി. മലയാളത്തിലെ എക്കാലത്തെയും മികച്ച ചിത്രങ്ങളിലൂടെ കടന്നുവന്ന പ്രിയതാരം മിഥുന് നളിനിയാണ് ചിത്രത്തിലെ നായകന്. പുതുമുഖതാരം അലീഷയാണ് നായിക. ജമീല എന്ന കഥാപാത്രത്തിലൂടെ ബിന്ദു പണിക്കര് ഈ ചിത്രത്തിലൂടെ വീണ്ടും സജീവമാവുകയാണ്.
കുബളങ്ങി നൈറ്റ്സില് ഏറെ ശ്രദ്ധേയമായ വേഷം ചെയ്ത സൂരജ് പോപ്പ്സ് ഈ ചിത്രത്തില് ഒരു പ്രധാനവേഷം ചെയ്യുന്നുണ്ട്.ഏറെ പ്രേക്ഷകശ്രദ്ധ നേടിയ തീവണ്ടിയിലെ നിഴല്നായകവേഷം ചെയ്ത മിഥുന് ആദ്യമായി നായകനാകുന്നു എന്നതും ജമീലാന്റെ പൂവന്കോഴിയുടെ മറ്റൊരു പ്രത്യേകതയാണ്. ആക്ഷനും സംഗീതവും, നര്മ്മ രസങ്ങളും ഏറെയുള്ള ചിത്രം പ്രേക്ഷകരെ രസിപ്പിക്കുമെന്നതില് തര്ക്കമില്ല.
മിഥുന് നളിനി, അലീഷ, ബിന്ദു പണിക്കര്, നൗഷാദ് ബക്കര്, സൂരജ് പോപ്പ്സ്, അഷ്റഫ് ഗുരുക്കള് നിഥിന് തോമസ്, അഞ്ജന അപ്പുക്കുട്ടന്, കെ ടി എസ് പടന്നയില് ,പൗളി വില്സണ്, മോളി, ജോളി, തുടങ്ങിയവരാണ് അഭിനേതാക്കള്.
ബാനര് -ഇത്തപ്രൊഡക്ഷന്സ്.നിര്മ്മാണം-ഫസല് കല്ലറക്കല് ,നൗഷാദ് ബക്കര്, ഷാജഹാന്. കോ-പ്രൊഡ്യൂസര് – നിബിന് സേവ്യര്, എക്സിക്യൂട്ടീവ് പ്രൊഡ്യൂസര് – ജസീര് മൂലയില്, തിരക്കഥ ,സംഭാഷണം – ഷാജഹന്, ശ്യാം മോഹന് (ക്രിയേറ്റീവ് ഡയറക്ടര്) ഛായാഗ്രഹണം – വിശാല് വര്മ്മ, ഫിറോസ് ഖാന്, മെല്ബിന് കുരിശിങ്കല്,ഷാന് പി റഹ്മാന്. സംഗീതം – ടോണി ജോസഫ്, അലോഷ്യ പീറ്റര് ഗാന രചന -സുജേഷ് ഹരി, ഫൈസല് കന്മനം, ഫിലിം എഡിറ്റര് – ജോവിന് ജോണ്. പശ്ചാത്തല സ്കോര് – അലോഷ്യ പീറ്റര്. പ്രൊഡക്ഷന് കണ്ട്രോളര് _ജാവേദ് ചെമ്പ്. ചീഫ് അസോസിയേറ്റ് – ഫൈസല് ഷാ. കലാസംവിധായകന് – സത്യന് പരമേശ്വരന്.
സംഘട്ടനം – അഷ്റഫ് ഗുരുക്കള്. വസ്ത്രാലങ്കാരം -ഇത്ത ഡിസൈന്
മേക്കപ്പ് _സുധീഷ് ബിനു, അജയ്. കളറിസ്റ്റ്- ശ്രീക് വേരിയര് പൊയറ്റിക് പ്രിസോം. സൗണ്ട് ഡിസൈന് -ജോമി ജോസഫ് .സൗണ്ട് മിക്സിംഗ് -ജിജുമോന് ബ്രൂസ് പ്രോജക്റ്റ് ഡിസൈനര്-തമ്മി രാമന് കൊറിയോഗ്രാഫി -പച്ചു ഇമോ ബോയ്. ലെയ്സണ് ഓഫീസര് – സലീജ് പഴുവില്. പി ആര് ഒ – പി.ആര്. സുമേരന്.മഞ്ജു ഗോപിനാഥ്, സ്റ്റില്സ് _രാഹുല് അനിസ് ഫസല് ആളൂര് അന്സാര് ബീരാന് പ്രൊമോഷണല് സ്റ്റില്ലുകള് -സിബി ചീരന് -പബ്ലിസിറ്റി ഡിസൈന് ആര്ട്ടോകാര്പസ് വിതരണം _ഇത്ത പ്രൊഡക്ഷന്സ്, അനില് തൂലിക ,മുരളി എസ്എം ഫിലിംസ്, അജിത് പവിത്രം ഫിലിംസ്.
പി.ആര്.സുമേരന്, (പി.ആര്.ഒ), 9446190254
ജി.കെ.എന്.പിള്ള ഒരുക്കിയ അങ്കിളും കുട്ട്യോളും മെയ് 10 ന് റിലീസ് ചെയ്യും.
സംവിധായകന് അനുറാം നിര്മ്മാണ രംഗത്തേക്ക്,പുതിയ ചിത്രം ‘മറുവശം’ഫസ്റ്റ് ലുക്ക് പോസ്റ്റര് പുറത്ത്
ഓസ്ട്രേലിയയില് നിന്നുള്ള ആദ്യ മലയാളം വെബ് സീരീസിന് മലയാളിയായ ജോയ് കെ. മാത്യു തുടക്കം കുറിച്ചു.
ജോയ് .കെ .മാത്യുവിന്റെ ‘അണ്ബ്രേക്കബിള്’ ചിത്രീകരണം പൂര്ത്തിയായി
മിസിസ് കേരള ഗോള്ഡ് വിഭാഗത്തില് തൃശൂര് സ്വദേശി ജയലക്ഷ്മി ഫസ്റ്റ് റണ്ണറപ്പായി