May 2024
അഡോപ്റ്റ് എ വില്ലേജ് പദ്ധതിയൂടെ ഭാഗമായി 10 കുടുംബങ്ങള്ക്ക് ശുചിമുറികളൊരുക്കി യു.എസ്.ടി
Posted on: November 10, 2023
കൊച്ചി : പ്രമുഖ ഡിജിറ്റല് ട്രാന്സ്ഫോമേഷന് സൊലൂഷന്സ് കമ്പനിയായ യു.എസ്.ടി പാവപ്പെട്ട പത്ത് കുടുംബങ്ങള്ക്ക് കക്കൂസും കുളിമുറിയും അടങ്ങുന്ന ശുചിമുറികള് നിര്മിച്ച് കൊടുത്തു. ആലപ്പുഴ ജില്ലയിലെ കുത്തിയതോട് പഞ്ചായത്തിലാണ് അഡോപ്റ്റ് എ വില്ലേജ് പദ്ധതി പ്രകാരം ഈ സൗകര്യങ്ങള് ചെയ്തുകൊടുത്തത്. കുത്തിയതോട് നടന്ന ചടങ്ങില് യു.എസ്.ടിയുടെ സി.എസ്.ആര് അംബാസഡര് പ്രശാന്ത് സുബ്രഹ്മണ്യന് പദ്ധതി ഉദ്ഘാടനം ചെയ്തു. യു.എസ്.ടി പ്രതിനിധികളായ ഷൈന് വര്ഗീസ്, ദീപ ചന്ദ്രന്, പ്രീതി മരിയ, ദീപേഷ് ചന്ദ്രന്, മനോജ് മുരളീധരന്, സന്നദ്ധ സംഘടനയായ നിളയുടെ സെക്രട്ടറി ശശികുമാര്, വോളന്റിയര് ഹേമന്ത്, സാമൂഹ്യപ്രവര്ത്തകനായ രാജേഷ് വി.കെ, ഗുണഭോക്താക്കളായ കുടുംബാംഗങ്ങള് എന്നിവരും ചടങ്ങില് പങ്കെടുത്തു.
കോര്പ്പറേറ്റ് സോഷ്യല് റെസ്പോണ്സിബിലിറ്റി (സി.എസ്.ആര്) സംരംഭങ്ങളുടെ ഭാഗമായാണ് യു.എസ്.ടി ഗ്രാമം അഡോപ്റ്റ് എ വില്ലേജ് പദ്ധതി നടത്തുന്നത്. കുത്തിയതോട് പ്രദേശത്ത് 25ലധികം വീടുകളില് ശൗചാലയങ്ങളില്ല. അതില് നിന്നുള്ള 10 വീടുകള്ക്കാണ് കക്കൂസും കുളിമുറിയും അടങ്ങുന്ന ശുചിമുറി ഒരുക്കിക്കൊടുത്തത്.
‘ആലപ്പുഴ കുത്തിയതോട് ഗ്രാമത്തിലെ നിര്ധനരായ പത്ത് കുടുംബങ്ങള് താമസിക്കുന്ന വീടുകളില് കക്കൂസും കുളിമുറിയും അടങ്ങുന്ന ശുചിമുറികള് നിര്മിച്ച് കൈമാറുന്നത് കമ്പനി പിന്തുടരുന്ന ‘ജീവിത പരിവര്ത്തനം’ എന്ന ലക്ഷ്യത്തോടെയുള്ള തുടര്ച്ചയായ നടപടികളുടെ ഭാഗമാണെന്ന് യു.എസ്.ടിയുടെ സി.എസ്.ആര് അംബാസഡര് പ്രശാന്ത് സുബ്രഹ്മണ്യന് പറഞ്ഞു. ഗ്രാമീണ ജനതയ്ക്ക് ആവശ്യമായ സഹായം നല്കുകയാണ് സിഎസ്ആര് സംരംഭങ്ങളുടെ അവിഭാജ്യ ഘടകമായ ‘അഡോപ്റ്റ് എ വില്ലേജ്’ പരിപാടി ലക്ഷ്യമിടുന്നത്,’ അദ്ദേഹം വ്യക്തമാക്കി.
യുഎസ് ടി കുത്തിയതോട് ഗ്രാമത്തില് നടപ്പിലാക്കിയ സംരംഭം പ്രദേശത്തെ ജനങ്ങളുടെ, പ്രത്യേകിച്ച് സ്ത്രീകളുടെയിടയില് നിന്ന് ഏറെ പ്രശംസ നേടി. ”യുഎസ് ടി ഞങ്ങള്ക്ക് നല്കിയ സഹായം ഏറെ ഉപകാരപ്രദമാണ്. നിര്ദ്ധനരായ 10 കുടുംബങ്ങള്ക്ക് ശുചിമുറികളൊരുക്കി തന്ന കമ്പനിയോടുള്ള നന്ദിയും കടപ്പാടും ഞങ്ങളുടെ പ്രാര്ത്ഥനകളില് എപ്പോഴുമുണ്ടാകും,” പ്രദേശവാസികളായ രേണുക, യമുന സാലി, ഷീബ സതീശന് എന്നിവര് പ്രതികരിച്ചു.
ശുചിമുറികള് കൈമാറുന്നതിനു പുറമെ, കുത്തിയതോടുള്ള 10 വിദ്യാര്ത്ഥികള്ക്ക് ബാഗുകളും ബുക്കുകളും മറ്റ് പഠനോപകരണങ്ങളും നല്കി യു എസ് ടി സഹായിച്ചിട്ടുണ്ട്. ഈ ഗ്രാമവാസികളുടെ വിദ്യാഭ്യാസം ആരോഗ്യ സംരക്ഷണം എന്നിവയ്ക്ക് കൂടുതല് സഹായം നല്കാനും യു.എസ്.ടി ലക്ഷ്യമിടുന്നു.
സി.എസ്.ആര് ഫണ്ട് ഉപയോഗിച്ച് സാമൂഹ്യസേവനം നടത്തുകയും അതുവഴി സമൂഹത്തിന്റെ പരുരോഗതി ലക്ഷ്യം വയ്ക്കുകയും ചെയ്യുക എന്നത് യു.എസ്.ടിയുടെ സംസ്കാരത്തിന്റെ ഭാഗമായിട്ട് ഏറെക്കാലമായി. ചീഫ് വാല്യൂ ഓഫീസറായ സുനില് ബാലകൃഷ്ണന്റെ നേതൃത്വത്തിലാണ് ഇത്തരം പദ്ധതികളും പരിപാടികളും നടപ്പാക്കുന്നത്. വിദ്യാഭ്യാസം, ഉപജീവനം, ആരോഗ്യം, പരിസ്ഥിതി എന്നീ മേഖലകളില് ശാശ്വതവും ഉത്തരവാദിത്തവുമുള്ള കര്മപരിപാടികളാണ് നടത്തുന്നത്. അഡോപ്റ്റ് എ വില്ലേജ് പരിപാടിയും സി.എസ്.ആര് പദ്ധതിയുടെ ഭാഗമാണ്. ഉള്നാടന് ഗ്രാമങ്ങളിലുള്ളവരുടെ ജീവിത്തതിന് കൈത്താങ്ങായി അവരുടെ സാമൂഹ്യസാഹചര്യങ്ങളില് മാറ്റം വരുത്തുകയാണ് ഇതിന്റെ ലക്ഷ്യം.
ജൂബിലി മിഷന് ഹോസ്പിറ്റലിലേക്ക് ഡയാലിസിസ് യൂണിറ്റ് നല്കി മണപ്പുറം ഫൗണ്ടേഷന്
വലപ്പാട് പഞ്ചായത്തിലേക്ക് സി സി ടി വി ക്യാമറകള് നല്കി മണപ്പുറം ഫൗണ്ടേഷന്
ശ്രീലക്ഷ്മിയുടെ സ്വപ്നങ്ങള്ക്ക് മണപ്പുറം തറക്കല്ലിട്ടു
കണ്വര്ജന്സ് 2024: കരുതലായി മണപ്പുറം ഫൗണ്ടേഷന്
തെലങ്കാനയില് മലബാര് ഗ്രൂപ്പിന്റെ ഗ്രാന്മ ഹോം പദ്ധതിക്ക് തുടക്കമായി