May 2024
ടിവിഎസ് സപ്ലൈ ചെയിന് സൊല്യൂഷന്സ് ഐപിഒ ആഗസ്റ്റ് 10 മുതല്
Posted on: August 8, 2023
കൊച്ചി : ടിവിഎസ് സപ്ലൈ ചെയിന് സൊല്യൂഷന്സ് ലിമിറ്റഡിന്റെ പ്രാഥമിക ഓഹരി വില്പ്പന (ഐപിഒ) ആഗസ്റ്റ് 10 മുതല് 14 വരെ നടക്കും. 600 കോടി രൂപയുടെ പുതിയ ഇക്വിറ്റി ഓഹരികളും നിലവിലുള്ള നിക്ഷേപകരുടെ 14,213,198 ഇക്വിറ്റി ഓഹരികളുടെ ഓഫര് ഫോര് സെയിലുമാണ് ഐപിഒയില് ഉള്പ്പെടുത്തിയിരിക്കുന്നത്.
1 രൂപ മുഖവിലയുള്ള ഇക്വിറ്റി ഓഹരി ഒന്നിന് 187 രൂപ മുതല് 197 രൂപ വരെയാണ് പ്രൈസ് ബാന്ഡ് നിശ്ചയിച്ചിരിക്കുന്നത്. കുറഞ്ഞത് 76 ഇക്വിറ്റി ഓഹരികള്ക്കും തുടര്ന്ന് അതിന്റെ ഗുണിതങ്ങള്ക്കും അപേക്ഷിക്കാം. ഓഹരികള് ബിഎസ്ഇയിലും എന്എസ്ഇയിലും ലിസ്റ്റ് ചെയ്യും.
ജെഎം ഫിനാന്ഷ്യല് ലിമിറ്റഡ്, ആക്സിസ് ക്യാപിറ്റല് ലിമിറ്റഡ്, ജെ. പി. മോര്ഗന് ഇന്ത്യ പ്രൈവറ്റ് ലിമിറ്റഡ്, ബിഎന്പി പാരിബാസ്, നുവാമ വെല്ത്ത് മാനേജ്മെന്റ് ലിമിറ്റഡ്, ഇക്വിറസ് ക്യാപിറ്റല് പ്രൈവറ്റ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിംഗ് ലീഡ് മാനേജര്മാര്.