എൽ ആൻഡ് ടി ഫിനാൻസിന് 205 കോടി രൂപ അറ്റാദായം

Posted on: October 29, 2015

കൊച്ചി : എൽ ആൻഡ് ടി ഫിനാൻസ് സെപ്റ്റംബറിലവസാനിച്ച ക്വാർട്ടറിൽ 205 കോടി രൂപ അറ്റാദായം നേടി. മുൻവർഷം ഇതേ കാലയളവിലെ 182 കോടി രൂപയേക്കാൾ 19 ശതമാനം കൂടുതലാണിത്.

ഈ കാലയളവിൽ വായ്പ 19 ശതമാനം വളർച്ചയോടെ 50,986 കോടി രൂപയിലെത്തി. മുൻ വർഷം സെപ്റ്റംബറിൽ 42,762 കോടി രൂപയായിരുന്നു ഇത്. ടൂവീലേഴ്‌സ്, ഭവനവായ്പ, മൈക്രോ ഫിനാൻസ് എന്നീ റീട്ടെയിൽ മേഖലകളിലും ഹോൾസെയിൽ മേഖലയിലും മികച്ച വളർച്ച നേടി. ഈ മേഖലയിൽ 18 ശതമാനം വളർച്ചയുണ്ടായി.

ഇൻവെസ്റ്റ്‌മെന്റ് ബിസിനസ് 17 ശതമാനം വളർച്ചയോടെ 24,280 കോടി രൂപയിലെത്തി. റീട്ടെയിൽ മേഖലയിൽ 25 ശതമാനം വളർച്ചയാണ് ഈ വർഷം കമ്പനി ലക്ഷ്യം വയ്ക്കുന്നത്.

കമ്പനിയുടെ നെറ്റ് എൻപിഎ രണ്ടാം ക്വാർട്ടറിൽ 1.65 ശതമാനമാണ്. ജൂണിലവസാനിച്ച ക്വാർട്ടറിലും മുൻവർഷം സെപ്റ്റംബർ ക്വാർട്ടറിലും ഇതു രണ്ടു ശതമാനം വീതമായിരുന്നു. ഗ്രോസ് എൻപിഎ മുൻവർഷം സെപ്റ്റംബറിലെ 2.96 ശതമാനത്തിൽനിന്നു സെപ്റ്റംബറിൽ 2.72 ശതമാനമായി താഴ്ന്നിട്ടുണ്ട്.

TAGS: 2015-16 Q2 Results | L&T Finance |