March 2024
സാംസംഗ് എല് ഇ ഡി ഫോര് ഹോം
Posted on: September 19, 2018
കൊച്ചി : സാംസംഗ് ആദ്യത്തെ എല്ഇഡി ഫോര് ഹോം അവതരിപ്പിക്കുന്നതായി പ്രഖ്യാപിച്ചു. ഹോം എന്റര്ടെയ്ന്മെന്റിന് പുതിയ മാനങ്ങള് നല്കികൊണ്ട് സങ്കീര്ണവും തീവ്രവുമായ കാഴ്ച്ചാനുഭൂതിയായിരിക്കും എല്ഇഡി ഹോം പകരുക.
അടുത്ത തലമുറ സാങ്കേതിക വിദ്യകളുടെ അകമ്പടിയോടെയായിരിക്കും എല്ഇഡി വരുന്നത്. മെലിഞ്ഞ് നീണ്ട രൂപകല്പ്പനയില് മോഡുലാര് ഫോര്മേഷന് സാങ്കേതിക വിദ്യ
സമന്വയിപ്പിച്ചിരിക്കുന്നു. ഉപയോക്താക്കള്ക്ക് സ്ക്രീന് വലിപ്പം ഇഷ്ടത്തിനനുസരിച്ച് മാറ്റുകയും ഉചിതമായ സ്ഥലത്ത് സ്ഥാപിക്കുകയും ചെയ്യാം.
ഉപഭോക്താവിന്റെ സന്തോഷത്തിലാണ് സാംസംഗിന്റെ ശ്രദ്ധയെന്നും ഉപഭോക്താക്കളുടെ ആവശ്യങ്ങള് കണ്ടറിഞ്ഞാണ് പുതിയ ഉപകരണം അവതരിപ്പിച്ചിരിക്കുന്നതെന്നും ആധുനിക ഉല്പ്പന്നങ്ങള് അവതരിപ്പിക്കുന്നതില് സാംസംഗ് പ്രതിജ്ഞാബദ്ധമാണെന്നും സാംസംഗ് ഇന്ത്യ കണ്സ്യൂമര് ഇലക്ട്രോണിക്സ് എന്റര്പ്രൈസ് ബിസിനസ് വൈസ് പ്രസിഡന്റ് പുനീത് സേഥി പറഞ്ഞു.
എച്ച് ഡി ആര് പിക്ച്ചര് റീഫൈന്മെന്റ് സാങ്കേതിക വിദ്യയോടെയാണ് എല്ഇഡി ഫോര് ഹോം വരുന്നത്. മികവുറ്റതും ജീവസുറ്റതുമായ വ്യക്തമായ കാഴ്ചകള് ലഭിക്കുന്നതിന് ഇത് ഉപകരിക്കും. 110 ഇഞ്ച് എഫ്എച്ച്ഡി, 220 ഇഞ്ച് യുഎച്ച്ഡി, 260 ഇഞ്ച് യുഎച്ച്ഡി എന്നിങ്ങനെ പരമ്പരകള് ഉള്പ്പെടുന്നു. ഒരു ലക്ഷത്തിലധികം മണിക്കൂറുകളാണ് ആയുസ് വാഗ്ദാനം ചെയ്യുന്നത്. മുംബൈയില് ഇന്ഫോകോം 2018ലാണ് ഉല്പ്പന്നം അവതരിപ്പിച്ചത്. ഒന്നു മുതല് 3.5 കോടി രൂപവരെയാണ് വലിപ്പമനുസരിച്ചുള്ള വില.
TAGS: Samsung | Samsung LED For Home |
ഈസ്റ്റര് സ്പെഷല് : നന്തിലത്ത് ജി – മാര്ട്ടില് എസികള്ക്ക് ചില്ലാക്സ് ഓഫര്
മൈജി മഹാ മാര്ച്ച് സെയില് 31 വരെ
എന്ഡ് ഓഫ് ഫൈനാന്ഷ്യല് ഇയര് സെയില് പ്രഖ്യാപിച്ച് ആമസോണ്
യാര്ഡ്ലി പുതിയ ക്ലിയര് ജെല് ബാറുകളും ഷവര് ജെല് കളക്ഷനും അവതരിപ്പിച്ചു
മൂന്ന് വ്യത്യസ്ത ലൈറ്റിംഗ് സാധ്യമാക്കുന്ന ട്രയോ റേഞ്ച് ഓഫ് ലൈറ്റുകളുമായി ക്രോംപ്ടണ്