April 2024
ഐബിഎസ് സോഫ്റ്റ്വേറിന് ഇത്തിഹാദിന്റെ കരാര്
Posted on: April 17, 2019
തിരുവനന്തപുരം : യുഎഇയുടെ ദേശീയ വിമാനക്കമ്പനിയായ ഇത്തിഹാദ് എയര്വേസ് ആഗോള ഗതാഗത മേഖലയിലെ പ്രമുഖ സോഫ്റ്റ്വെയര് കമ്പനിയായ ഐബിഎസ് സോഫ്റ്റ്വേറുമായി കരാറിലേര്പ്പെട്ടു. മെച്ചപ്പെട്ട പ്രവര്ത്തനം ഉറപ്പാക്കുന്നതിനും യാത്രക്കാര്ക്ക് കൂടുതല് സേവനങ്ങള് നല്കുന്നതിനുമാണ് കരാര്. ഇത്തിഹാദിന്റെ ശൃംഖലയില് പുതിയ നിയന്ത്രണസംവിധാനം കൊണ്ടുവരാനും ഹബ് മാനേജ്മെന്റ് സംവിധാനം മെച്ചപ്പെടുത്താനും ഏറ്റവും ആധുനികമായ സാങ്കേതികവിദ്യ ഉപയോഗിക്കാന് ജീവനക്കാര്ക്ക് അവസരം നല്കാനുമാണ് ഈ കരാര്.
ഐബിഎസ് വികസിപ്പിച്ചെടുത്ത രണ്ട് സോഫ്റ്റ്വേറുകളെ അടിസ്ഥാനപ്പെടുത്തി ഇത്തിഹാദിന്റെ സമയനിഷ്ഠയും കാര്യശേഷിയും പ്രവര്ത്തന ക്ഷമതയും മെച്ചപ്പെടുത്താനും വിമാനശൃംഖല സമന്വയിപ്പിക്കാനും ഹബ് കണക്ടിവിറ്റി കൂട്ടാനും ഇത്തിഹാദിനെ സഹായിക്കും. ഇതിലൂടെ ബാഗേജ് കൈകാര്യം ചെയ്യുന്നതിലടക്കം യാത്രക്കാര്ക്ക് കൂടുതല് സേവനങ്ങള് നല്കാന് കഴിയും. വിമാനങ്ങളെ കൃത്യതയോടെ നിയോഗിക്കാനും ഇത്തിഹാദിന്റെ ആഗോള ശൃംഖലയില് അവയെ കൃത്യമായി നിരീക്ഷിക്കാനും സാധിക്കും. സാഹചര്യങ്ങള്ക്കനുസരിച്ച് ഓപ്പറേഷന് കണ്ട്രോള് ടീമിന് ജാഗ്രതാ സന്ദേശങ്ങളടക്കം നല്കി സുരക്ഷിതമായ പ്രവര്ത്തനം ഉറപ്പാക്കാനും ധൃതഗതിയില് തീരുമാനങ്ങളെടുക്കാനും ഈ സോഫ്റ്റ്വെയറുകളിലൂടെ കഴിയും. ഐഫ്ളൈറ്റ് നിയോ ഓപ്സ്, ഐഫ്ളൈറ്റ് നിയോ ഹബ്സിസ്റ്റംസ് എന്നിവയാണ് ഈ സോഫ്റ്റ്വേറുകള്.
ആധുനിക ഐബിഎസ് സാങ്കേതികവിദ്യ തങ്ങളുടെ കണ്ട്രോള് സെന്ററുകളുമായി സംയോജിപ്പിച്ച് ഏറ്റവും മികച്ച സേവനം യാത്രക്കാര്ക്ക് നല്കാനുള്ള കടമ നിറവേറ്റാനാവുമെന്ന് ഇത്തിഹാദിന്റെ എയര്പോര്ട്സ് ആന്ഡ് നെറ്റ്വര്ക്ക് ഓപ്പറേഷന്സ് വൈസ് പ്രസിഡന്റ് ജോണ് റൈറ്റ് പറഞ്ഞു.
ഐബിഎസിന് ഇത്തിഹാദുമായി മികച്ച ബന്ധമാണുള്ളതെന്നും തങ്ങളുടെ സോഫ്റ്റ്വേര് സൊല്യൂഷനുകളെ സ്വീകരിക്കുന്നത് വലിയ അംഗീകാരമാണെന്നും ഐബിഎസ് എക്സിക്യൂട്ടിവ് ചെയര്മാന് വി.കെ മാത്യൂസ് പറഞ്ഞു. ഇത്തിഹാദിന് സര്വീസ് ക്ഷമത കൈവരിക്കാനും പ്രവര്ത്തനച്ചെലവ് കുറയ്ക്കാനും അതിലൂടെ കൂടുതല് വളര്ച്ച നേടാനും കഴിയുമെന്ന് അദ്ദേഹം ചൂണ്ടിക്കാട്ടി.
TAGS: Etihad Airways | IBS Software | V.K. Mathews |
ബാംബു എയര്, ഐബിഎസ് സോഫ്റ്റ് വെയറിനെ സേവനദാതാക്കളായി തെരഞ്ഞെടുത്തു
എപാക്സ് പാര്ട്ണേഴ്സ് ഐബിഎസില് 45 കോടി ഡോളര് നിക്ഷേപിക്കാന് ധാരണയായി
ഹറൂണ് ഇന്ഡസ്ട്രി അച്ചീവ്മെന്റ് പുരസ്കാരം വി.കെ. മാത്യൂസിന്
ഐബിഎസ് സോഫ്റ്റ് വെയറിന്റെ ഐകാര്ഗോ സിംഗപ്പൂര് എയര്ലൈന്സില് പ്രവര്ത്തനസജ്ജമായി
ഒമാന് എയറിന്റെ സ്റ്റാഫ് ട്രാവല് പരിഷ്കരിക്കാന് ഐബിഎസിന്റെ ‘ഐഫ്ളൈ സ്റ്റാഫ്’