April 2024
ലയൺസ് ക്ലബ് ഇന്റർനാഷണൽ 500 വീടുകൾ നിർമ്മിച്ചു നൽകും
Posted on: September 11, 2018
തൃശൂർ : ലയൺസ് ക്ലബ് ഇന്റർനാഷണൽ ഫൗണ്ടേഷൻ കേരളത്തിലെ പ്രളയ ബാധിതരെ പുനരധിവസിപ്പിക്കുവാൻ അഞ്ഞൂറ് വീടുകൾ നിർമ്മിച്ചു നൽകും. കേരളത്തിലെ വിവിധ ഭാഗങ്ങളിൽ പ്രളയദുരന്തം സംഭവിച്ച സ്ഥലങ്ങൾ സന്ദർശിച്ചതിനുശേഷമാണ് ഫൗണ്ടേഷൻ ചെയർമാൻ നരേഷ് അഗർവാൾ, ട്രസ്റ്റി വിജയകുമാർ രാജു എന്നിവർ ഇക്കാര്യം പ്രഖ്യാപിച്ചത്. ഭവന നിർമ്മാണത്തോടൊപ്പം തകർന്നുപോയ സ്കൂൾ കെട്ടിടങ്ങൾ, പ്രാഥമികാരോഗ്യകേന്ദ്രങ്ങൾ എന്നിവയും നിർമ്മിക്കും.
സംസ്ഥാന സർക്കാരുമായി ആലോചിച്ച് ഭരണാനുമതി ലഭിച്ച് സർക്കാർ നിർദേശങ്ങൾ കർശനമായി പാലിച്ചുകൊണ്ടായിരിക്കും നിർമ്മാണ പ്രവർത്തനങ്ങൾ നടത്തുന്നത്. കേരളത്തിലെ 645 ലയൺസ് ക്ലബുകൾ ഇതിനോടകം പത്ത് കോടി രൂപയുടെ പ്രളയ ദുരിതാശ്വാസ പ്രവർത്തനങ്ങൾ നടത്തിയിട്ടുണ്ട്. ഏകദേശം ഇത്രയും തുകയുടെ സാധന സാമഗ്രികൾ കേരളത്തിനു പുറത്തുള്ള ലയൺസ് ക്ലബുകളിൽ നിന്നും ലഭിച്ചിട്ടുണ്ട്.
ദുരിതാശ്വാസ പ്രവർത്തനങ്ങൾക്ക് ആദ്യഘട്ട സഹായമെന്ന രീതിയിൽ ലയൺസ് ഫൗണ്ടേഷൻ ഒരു ലക്ഷം അമേരിക്കൻ ഡോളർ നൽകിയിരുന്നു. ചാലക്കുടി ലയൺസ് ക്ലബ് പ്രസിഡന്റ് ജെയിൻ ചിറ്റിലപ്പിള്ളി സംഭാവനയായി നൽകുന്ന ഇരുപത് സെന്റ് സ്ഥലത്ത് ഫൗണ്ടേഷൻ മൂന്ന് നില ഫ്ളാറ്റ് നിർമ്മിച്ച് ഇരുപത് കുടുംബങ്ങളെ പുനരധിവസിപ്പിക്കുമെന്ന് ഭാരവാഹികൾ അറിയിച്ചു.
പത്രസമ്മേളനത്തിൽ മുൻ ഇന്റർനാഷണൽ ഡയറക്ടർമാരായ ആർ. മുരുകൻ, കെ.ജി. രാമകൃഷ്ണമൂർത്തി, മൾട്ടിപ്പിൾ കൗൺസിൽ ചെയർമാൻ കെ. സുരേഷ്, വി.പി. നന്ദകുമാർ, ഡിസ്ട്രിക്റ്റ് ഗവർണർമാരായ എ.വി.വാമനകുമാർ, കെ.എ. തോമസ്, ഇ.ഡി.ദീപക്, ഗണേശൻ കണിയാറക്കൽ, മുൻ ഗവർണർമാരായ ജോൺ കാച്ചപ്പിള്ളി, എം. ശിവാനന്ദൻ, വി. അമർനാഥ്, സി.ജി. ശ്രീകുമാർ, രാജൻ എൻ. നമ്പൂതിരി എന്നിവർ പങ്കെടുത്തു.
TAGS: Lions Club | Lions Clubs International |
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്ഫോമിന്റെ വരുമാനത്തില് ഇരട്ടി വളര്ച്ച
ഇന്സ്റ്റിറ്റ്യൂട്ട് ഓഫ് റൂറല് മാനേജ്മന്റും ഇസാഫ് ഫൗണ്ടേഷനും ധാരണാപത്രത്തില് ഒപ്പുവച്ചു
മികച്ച പൊതുമേഖലാ സ്ഥാപനങ്ങള്ക്കുള്ള സംസ്ഥാന സര്ക്കാറിന്റെ അവാര്ഡുകള് വിതരണം ചെയ്തു
പോപ്പുലര് വെഹിക്കിള്സ് ഐപിഒയില് 1.78 കോടി ഓഹരിക്കുള്ള അപേക്ഷ ലഭിച്ചു
ഇമാക് ഫെസ്റ്റൂണ് സൈലന്റ് ഹീറോസ് 2024 അവാര്ഡുകള് വിതരണം ചെയ്തു.
സംവിധായകന് അനുറാം നിര്മ്മാണ രംഗത്തേക്ക്,പുതിയ ചിത്രം ‘മറുവശം’ഫസ്റ്റ് ലുക്ക് പോസ്റ്റര് പുറത്ത്
ആമസോണ് പേ ‘പേ കര്നേ കാ സ്മാര്ട്ടര് വേ’യുമായി ആയുഷ്മാന് ഖുറാന
ജെ.ഡി പവര് 2024 ഇന്ത്യ ടുവീലര് ബഹുമതികളില് തിളങ്ങി ടിവിഎസ് മോട്ടോര് കമ്പനി