April 2024
ഹോസ്പി കാഷ് മെഡിക്കൽ അലവൻസ് പോളിസിയുമായി മുത്തൂറ്റ് ഗ്രൂപ്പ്
Posted on: June 13, 2018
കൊച്ചി: മുത്തൂറ്റ് ഗ്രൂപ്പ് മുത്തൂറ്റ് ഹോസ്പി കാഷ് എന്ന പേരിൽ മെഡിക്കൽ അലവൻസ് പോളിസി പുറത്തിറക്കി. ചികിത്സാച്ചെലവിനു പുറമേ ആശുപത്രിയിലേക്കുള്ള യാത്രാച്ചെലവ്, രോഗിയുടെ സഹായി, രോഗം മൂലം നഷ്ടപ്പെടുന്ന ശമ്പളം, മറ്റ് അപ്രതീക്ഷിത ചെലവുകൾ തുടങ്ങിയവ ഉൾപ്പെടെയുള്ളവയ്ക്കു കവറേജ് ലഭിക്കുന്നതാണ് ഈ പോളിസി.
രാജ്യത്ത് ഇത്തരത്തിലുള്ള ആദ്യത്തെ പോളിസിയാണിതെന്ന് മുത്തൂറ്റ് ഗ്രൂപ്പ് മാനേജിംഗ് ഡയറക്ടർ ജോർജ് അലക്സാണ്ടർ മുത്തൂറ്റ് പറഞ്ഞു. പ്രായം, നിലവിലുള്ള രോഗം എന്നിവ കണക്കിലെടുക്കാതെ ആർക്കും ഈ പോളിസി എടുക്കാം. ചിലരോഗങ്ങൾ ഒഴികെ, ചെലവുകൾ വ്യക്തമാക്കുന്ന ബില്ലുകളോ വൗച്ചറുകളോ ക്ലെയിമിനായി സമർപ്പിക്കേണ്ടതില്ലെന്നും അദേഹം പറഞ്ഞു.
ആശുപത്രിയിൽ നിന്നുള്ള ഡിസ്ചാർജ് കാർഡിനൊപ്പം ക്ലെയിം ഫോം കൂടി സമർപ്പിച്ചാൽ മതി. മറ്റു പോളിസികളുള്ളവർക്ക് അധിക കവറേജിനായി ഈ പോളിസി എടുക്കാവുന്നതാണ്. മറ്റു പോളിസികളിലെ ഗുണഫലങ്ങൾ പരിഗണിക്കാതെ തന്നെ ഈ പോളിസിയനുസരിച്ചുള്ള ക്ലെയിം ലഭ്യമാക്കും.
ആശുപത്രിയിൽ കഴിയുന്ന ഓരോ പൂർണദിവസത്തിനും രോഗിക്ക് കാഷ് ലഭ്യമാക്കുന്നുവെന്നതാണ് മറ്റൊരു ആനുകൂല്യം. ഐസിയുവിൽ കിടക്കേണ്ടിവന്നാൽ ഇരട്ടി കാഷ് ലഭിക്കും. പരമാവധി 7 ദിവസത്തേക്കാണ് ഇതു ലഭിക്കുക. മുൻകൂർ മെഡിക്കൽ പരിശോധന ആവശ്യമില്ല. പ്രതിദിനം 1000 രൂപ മുതൽ 10,000 രൂപവരെയാണ് ഹോസ്പിറ്റൽ അലവൻസായി ലഭിക്കുക. പോളിസിക്ക് അടയ്ക്കുന്ന 25000 രൂപ വരെയുള്ള പ്രീമിയത്തിന് നികുതി കിഴിവു ലഭിക്കും.
ഫാമിലി ബിസിനസ് അവാര്ഡ് മുത്തൂറ്റ് ഗ്രൂപ്പിന്
സുന്ഹേരി സോച് സീസണ്-2 അവതരിപ്പിച്ച് മുത്തൂറ്റ് ഫിനാന്സ്
മുത്തൂറ്റ് ആഷിയാന പദ്ധതിയുടെ കീഴില് ചെല്ലാനത്ത് നിര്മ്മിച്ച 10 വീടുകളുടെ താക്കോല് കൈമാറി
സമ്പൂര്ണ ഓട്ടോമാറ്റിക് വീല് ചെയര് പദ്ധതിയുമായി മുത്തൂറ്റ് എം ജോര്ജ് ഫൗണ്ടേഷന്
ലോക്ക്ഡൗണില് 15,000 കുടുംബങ്ങള്ക്ക് ഭക്ഷണവും അവശ്യ സാധനങ്ങളുമായി മുത്തൂറ്റ് ഗ്രൂപ്പ്