April 2024
മുത്തൂറ്റ് എം ജോര്ജ് ഫൗണ്ടേഷന് പ്രൊഫഷണല് സ്കോളര്ഷിപ്പുകള് വിതരണം ചെയ്തു
Posted on: January 28, 2019
തിരുവനന്തപുരം : സാമ്പത്തികമായി പിന്നോക്കം നില്ക്കുന്ന പഠനമികവ് പുലര്ത്തുന്ന പ്രൊഫഷണല് വിദ്യാര്ഥികള്ക്ക് മുത്തൂറ്റ് എം ജോര്ജ് ഫൗണ്ടേഷന് ഏര്പ്പെടുത്തിയ മുത്തൂറ്റ് എം ജോര്ജ് പ്രൊഫഷണല് എഡ്യൂക്കേഷന് സ്കോളര്ഷിപ്പുകള് 40 വിദ്യാര്ഥികള്ക്ക് വിതരണം ചെയ്തു. തിരുവനന്തപുരം വി ജെ ടി ഹാളില് നടന്ന ചടങ്ങില് കെ മുരളീധരന് എം എല് എ സ്കോളര്ഷിപ് വിതരണം നിര്വഹിച്ചു.
പഠനച്ചെലവേറിയ ഉന്നത വിദ്യാഭ്യാസ മേഖലയില് മുത്തൂറ്റ് ഗ്രൂപ്പ് നല്കുന്ന ധനസഹായം കഴിവുറ്റ ഒരു തലമുറയെ വാര്ത്തെടുക്കുന്നതില് നിര്ണായകമാണെന്ന് കെ മുരളീധരന് പറഞ്ഞു. കോര്പറേറ്റ് സോഷ്യല് റെസ്പോണ്സിബിലിറ്റി സാമൂഹ്യപ്രതിബദ്ധതാ ഫണ്ടിന്റെ വിനിയോഗം അര്ഹരായവരുടെ കൈകളില് നേരിട്ട് എത്തിക്കുന്നതാണ് ഉചിതമെന്നും ഇക്കാര്യത്തില് മുത്തൂറ്റ് ഗ്രൂപ്പ് മാതൃകയാണെന്നും മുന് ഡി ജി പി ടി പി സെന്കുമാര് പറഞ്ഞു.
മെഡിസിന്, എഞ്ചിനീയറിംഗ്, ബി എസ് സി നേഴ്സിംഗ്, ബി കോം വിദ്യാര്ഥികളില് രണ്ടുലക്ഷത്തില് താഴെ പ്രതിവര്ഷ വരുമാനമുള്ള കുടുംബങ്ങളിലെ 80 ശതാമനത്തില് കുറയാത്ത മാര്ക്ക് നേടിയ കുട്ടികള്ക്കാണ് മുത്തൂറ്റ് എം ജോര്ജ് ഫൗണ്ടേഷന് സ്കോളര്ഷിപ്പ നല്കിയത്. പത്ത് എം ബി ബി എസ് വിദ്യാര്ഥികള്ക്ക് 50,000 രൂപ വീതവും 10 ബി ടെക് വിദ്യാര്ഥികള്ക്ക് 25,000 രൂപ വീതവും 10 ബി എസ് സി നഴ്സിംഗ് വിദ്യാര്ഥികള്ക്ക് 25,000 രൂപ വീതവും 10 ബി കോം വിദ്യാര്ഥികള്ക്ക് 15,000 രൂപ വീതവുമാണ് സ്കോളര്ഷിപ്പ്.
സാമ്പത്തികമായി പിന്നോക്കം നില്ക്കുന്ന പഠന മികവു പുലര്ത്തുന്ന കുട്ടികളെ സാമ്പത്തിക ബാധ്യതകളില്ലാതെ പ്രൊഫഷണല് കോഴ്സുകള് പൂര്ത്തിയാക്കാന് സഹായിക്കുകയാണ് ഫൗണ്ടേഷന് ചെയ്യുന്നതെന്ന് മുത്തൂറ്റ് ഫിനാന്സ് മാനേജിംഗ് ഡയറക്ടര് ജോര്ജ് ജേക്കബ് മുത്തൂറ്റ് പറഞ്ഞു. കേരളത്തിന് പുറമേ, കര്ണാടക, തെലുങ്കാന, ആന്ധ്രപ്രദേശ്, മുംബൈ, ഗോവ സംസ്ഥാനങ്ങളില് ആയിരക്കണക്കിന് വിദ്യാര്ഥികള്ക്ക് പഠനസഹായം നല്കി വരുന്നുണ്ടെന്ന് ജോര്ജ് ജേക്കബ് മുത്തൂറ്റ് അറിയിച്ചു.
TAGS: Muthoot M George Foundation |
ജൂബിലി മിഷന് ഹോസ്പിറ്റലിലേക്ക് ഡയാലിസിസ് യൂണിറ്റ് നല്കി മണപ്പുറം ഫൗണ്ടേഷന്
വലപ്പാട് പഞ്ചായത്തിലേക്ക് സി സി ടി വി ക്യാമറകള് നല്കി മണപ്പുറം ഫൗണ്ടേഷന്
ശ്രീലക്ഷ്മിയുടെ സ്വപ്നങ്ങള്ക്ക് മണപ്പുറം തറക്കല്ലിട്ടു
കണ്വര്ജന്സ് 2024: കരുതലായി മണപ്പുറം ഫൗണ്ടേഷന്
തെലങ്കാനയില് മലബാര് ഗ്രൂപ്പിന്റെ ഗ്രാന്മ ഹോം പദ്ധതിക്ക് തുടക്കമായി
ഹോണ്ട കൊച്ചിയില് റോഡ് സുരക്ഷാ ബോധവത്കരണ കാമ്പയിന് നടത്തി
റിത്വികക്ക് കാരുണ്യ കടലായി ആസ്റ്റര് മെഡ്സിറ്റി
ജാവ യെസ്ഡി രണ്ടാം ഘട്ട മെഗാ സര്വീസ് ക്യാമ്പ് പ്രഖ്യാപിച്ചു
ജി.കെ.എന്.പിള്ള ഒരുക്കിയ അങ്കിളും കുട്ട്യോളും മെയ് 10 ന് റിലീസ് ചെയ്യും.
ഡീലര് ഫിനാന്സ് സേവനം ; സൗത്ത് ഇന്ത്യന് ബാങ്കും അശോക് ലെയ്ലന്റും തമ്മില് ധാരണ