April 2024
ഇന്ത്യൻ മോട്ടോർസൈക്കിൾ ഗോൾഡൻ ക്വാഡ്രിലാറ്ററൽ റൈഡ് തുടങ്ങി
Posted on: September 22, 2018
കൊച്ചി : ഇന്ത്യൻ മോട്ടോർസൈക്കിൾ ദേശീയ തലത്തിൽ പെൺകുട്ടികളുടെ വിദ്യാഭ്യാസത്തിനുള്ള ധനശേഖരണാർത്ഥം സംഘടിപ്പിക്കുന്ന ഗോൾഡൻ ക്വാഡ്രിലാറ്ററൽ റൈഡ് കുണ്ടന്നൂരിൽ രേഖ ബർണാഡ് ഫ്ളാഗ് ഓഫ് ചെയ്തു. ജീവകാരുണ്യ പ്രവർത്തനങ്ങൾക്കും ആരോഗ്യകരമായ റോഡ് സംസ്കാരം വളർത്തുന്നതിനുമായി ഇന്ത്യൻ മോട്ടോർസൈക്കിൾ എല്ലാ വർഷവും സംഘടിപ്പിച്ചു വരുന്ന വീൽസ് ഓഫ് ചെയ്ഞ്ച് എന്ന പദ്ധതിയുടെ ഭാഗമായാണ് റൈഡ് സംഘടിപ്പിക്കുന്നത്.
എറണാകുളം ജില്ലയിലെ ഏറ്റവും അധികം പ്രളയം ബാധിച്ച വരാപ്പുഴ സെന്റ്. ജോസഫ് സ്കൂളിലെ എൽ.കെ.ജി മുതൽ പ്ലസ് ടു വരെയുള്ള മുന്നൂറോളം കുട്ടികൾക്ക് പഠനോപകരണങ്ങൾ വിതരണം ചെയ്യുന്നതിനും കൂടിയാണ് ഈ വർഷത്തെ റൈഡ് ലക്ഷ്യമിടുന്നത്. റോഡ്മാസ്റ്റർ ബൈക്കിന്റെ ഉടമയും ഇന്ത്യൻ മോട്ടോർസൈക്കിൾ ചീഫുമായ ബർണാഡ് ലാസറിന്റെ നേത്യത്വത്തിൽ 40 ൽ പരം ബൈക്കുകളാണ് കൊച്ചിയിൽ സംഘടിപ്പിച്ച റൈഡിൽ പങ്കെടുത്തത്. ഇന്നലെ കുണ്ടന്നൂരിൽ നിന്നും ആരംഭിച്ച റൈഡ് 40 ദിവസം കൊണ്ട് 14000 കിലോമീറ്റർ താണ്ടി ഡൽഹിയിൽ സമാപിക്കും. രാജ്യത്തിന്റെ വിവിധ ഭാഗങ്ങളിലുള്ള 15 ഓളം സ്കൂളുകളിൽ സംഘം സഹായമെത്തിക്കും. ഫർണിച്ചറുകൾ, സ്റ്റേഷനറി, ബാഗ്, നോട്ട്ബുക്ക്, ജ്യോമെട്രി ബോക്സ് തുടങ്ങിയവയാണ് നൽകുന്നത്.
ഇന്ത്യൻ മോട്ടോർസൈക്കിൾസിന്റെ കേരളത്തിലെ അംഗീകൃത ഡിലറായ ഇവിഎം ഗ്രൂപ്പ്, ഇന്ത്യൻ മോട്ടോർസൈക്കിൾ ജനറൽ മാനേജർ പ്രശാന്ത് പദ്മനാഭൻ, റൈഡേഴ്സ് ഗ്രൂപ്പ് കേരള പ്രസിഡന്റ് ഡി ജെ സാവിയോ എന്നിവർ റൈഡിന് നേതൃത്വം നൽകി. എല്ലാ ബ്രാൻഡിലുള്ള ബൈക്കുകൾക്കും ഭാഗമാകാൻ കഴിയുന്നു എന്നതാണ് ഇന്ത്യൻ മോട്ടോർസൈക്കിൾ റൈഡിന്റെ പ്രത്യേകത.
ജൂബിലി മിഷന് ഹോസ്പിറ്റലിലേക്ക് ഡയാലിസിസ് യൂണിറ്റ് നല്കി മണപ്പുറം ഫൗണ്ടേഷന്
വലപ്പാട് പഞ്ചായത്തിലേക്ക് സി സി ടി വി ക്യാമറകള് നല്കി മണപ്പുറം ഫൗണ്ടേഷന്
ശ്രീലക്ഷ്മിയുടെ സ്വപ്നങ്ങള്ക്ക് മണപ്പുറം തറക്കല്ലിട്ടു
കണ്വര്ജന്സ് 2024: കരുതലായി മണപ്പുറം ഫൗണ്ടേഷന്
തെലങ്കാനയില് മലബാര് ഗ്രൂപ്പിന്റെ ഗ്രാന്മ ഹോം പദ്ധതിക്ക് തുടക്കമായി
ഹോണ്ട കൊച്ചിയില് റോഡ് സുരക്ഷാ ബോധവത്കരണ കാമ്പയിന് നടത്തി
റിത്വികക്ക് കാരുണ്യ കടലായി ആസ്റ്റര് മെഡ്സിറ്റി
ജാവ യെസ്ഡി രണ്ടാം ഘട്ട മെഗാ സര്വീസ് ക്യാമ്പ് പ്രഖ്യാപിച്ചു
ജി.കെ.എന്.പിള്ള ഒരുക്കിയ അങ്കിളും കുട്ട്യോളും മെയ് 10 ന് റിലീസ് ചെയ്യും.
ഡീലര് ഫിനാന്സ് സേവനം ; സൗത്ത് ഇന്ത്യന് ബാങ്കും അശോക് ലെയ്ലന്റും തമ്മില് ധാരണ