April 2024
എസ് ബി ടി വിദേശനാണ്യ കാലാവധി നിക്ഷേപ പലിശനിരക്ക് പുതുക്കി
Posted on: October 11, 2014
സ്റ്റേറ്റ് ബാങ്ക് ഓഫ് ട്രാവൻകൂർ പ്രവാസി വിദേശനാണ്യ കാലാവധി നിക്ഷേപങ്ങളുടെ പലിശനിരക്ക് പുതുക്കി. ഒക്ടോബർ ഒന്നു മുതൽ പരിഷ്കരിച്ച പലിശനിരക്കുകൾ നിലവിൽ വന്നു. അമേരിക്കൻ ഡോളറിലുള്ള എഫ്സിഎൻആർ നിക്ഷേപങ്ങൾക്ക് ഒരു വർഷം മുതൽ രണ്ടു വർഷത്തിൽ താഴെവരെ കാലാവധിയിൽ പലിശനിരക്ക് 1.38 %, രണ്ടു വർഷം മുതൽ മൂന്നു വർഷത്തിൽ താഴെവരെ 1.82 %, മൂന്നു വർഷം മുതൽ നാല് വർഷത്തിൽ താഴെ വരെ 3.29 %ം, നാലു വർഷം മുതൽ അഞ്ച് വർഷത്തിൽ താഴെ വരെ 3.69 %, അഞ്ചു വർഷത്തിന് 3.96 ശതമാനം എന്നിങ്ങനെയായിരിക്കും.
മേൽപ്പറഞ്ഞ കാലാവധികൾക്കുള്ള വാർഷിക പലിശനിരക്ക് പൗണ്ട് സ്റ്റെർലിങ്ങ് നിക്ഷേപങ്ങൾക്ക് യഥാക്രമം 1.80 %, 2.28 %, 3.61 %, 3.85 % , 4.03 %, ശതമാനവും യൂറോ നിക്ഷേപങ്ങൾക്ക് 1.19 %, 1.20 %, 2.26 %, 2.34 %, 2.47 ശതമാനം എന്നിങ്ങനെയും ആയിരിക്കും.
ആർഎഫ്സി നിക്ഷേപ വാർഷിക പലിശനിരക്ക് ആറു മാസം മുതൽ ഒരുവർഷത്തിൽ താഴെ വരെ ഒരു ശതമാനം, ഒരു വർഷം മുതൽ രണ്ടു വർഷത്തിൽ താഴെ വരെ 1.38 %, രണ്ടു വർഷം മുതൽ മൂന്നു വർഷത്തിൽ താഴെ വരെ 1.82 %, മൂന്നു വർഷത്തിന് 3.29 ശതമാനം എന്നിങ്ങനെ പരിഷ്കരിച്ചു.
TAGS: SBT | State Bank Of Travancore |