എസ്ബിഐ ഇടപാടുകാർക്ക് ഉത്സവ കാല ഓഫറുകൾ

Posted on: August 23, 2017

കൊച്ചി: ഉത്സവ സീസൺ പ്രമാണിച്ച് സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) കേരളത്തിലെ ഇടപാടുകാർക്ക് നവംബർ 30 വരെ ഭവന വായ്പയ്ക്കുള്ള പ്രോസസിംഗ് ഫീസ് പൂർണമായും ഒഴിവാക്കി. നിലവിൽ ടേക്ക്ഓവർ വായ്പയുടെ പ്രോസസിംഗ് ഫീസിന് അനുവദിച്ചിട്ടുള്ള ഇളവിനു പുറമേയാണിത്.

കാർ വായ്പയ്ക്ക് ഈ ഉത്സവസീണിൽ പ്രോസസിംഗ് ഫീസ് ഉണ്ടായിരിക്കുകയില്ല. ഡിസംബർ 31 വരെ ഈ ഇളവു ഇടപാടുകാർക്കു ലഭിക്കും. അതേസമയം വ്യക്തിഗത വായ്പ, സ്വർണ വായ്പ എന്നിവയ്ക്കുള്ള പ്രോസസിംഗ് ഫീസിൽ 50 ശതമാനം ഇളവും ഈ ഉത്സവ സീസണിലേക്ക് ബാങ്ക് പ്രഖ്യാപിച്ചിട്ടുണ്ട്. സ്വർണ വായ്പയ്ക്കുള്ള ഇളവിന് ഒക്‌ടോബർ 31 വരെയും വ്യക്തി വായ്പയ്ക്കുള്ള ഇളവിന് സെപ്റ്റംബർ 30 വരെയും പ്രാബല്യമുണ്ടായിരിക്കും.

TAGS: State Bank Of India |