April 2024
ഓയോ ഹോട്ടല്സ് യു എ ഇ യിലേക്ക്
Posted on: October 17, 2018
കൊച്ചി : ഓയോ ഹോട്ടല്സ് യു എ ഇ യിലെ പ്രവര്ത്തനങ്ങള്ക്കു തുടക്കം കുറിച്ചു. ദുബായ്, ഷാര്ജ, ഫുജൈറ എന്നീ മൂന്ന് എമിറേറ്റുകളിലായി പത്തു ഹോട്ടലുകളിലെ 1100 സമ്പൂര്ണ സൗകര്യങ്ങളോടു കൂടിയ മുറികളുമായാണ് യു.എ.ഇ യിലെ പ്രവര്ത്തനങ്ങള്ക്കു തുടക്കം കുറിക്കുന്നത്.
2020-ഓടെ ഏഴ് എമിറേറ്റുകളിലുമായി 150 ഹോട്ടലുകളിലെ 12,000 മുറികളിലേക്കു പ്രവര്ത്തനം വ്യാപിപ്പിക്കും. സാങ്കേതികവിദ്യാ സൗകര്യങ്ങളോടെ ഹോട്ടല് സൗകര്യങ്ങള് ഒരുക്കുന്ന ഓയോ ഹോട്ടല്സ് 150 ദിര്ഹം മുതലുള്ള മുറികളാണു ലഭ്യമാക്കുന്നത്.
2020-ല് നടക്കാനിരിക്കുന്ന വേള്ഡ് എക്സ്പോ മധ്യേഷ്യയിലെ ആതിഥേയ വ്യവസായ മേഖലയില്, പ്രത്യേകിച്ച് യു എ ഇ യില് വന് കുതിപ്പാവും കൊണ്ടു വരികയെന്ന് ഇതേക്കുറിച്ചു പ്രതികരിക്കവെ ഓയോ ഹോട്ടല്സ് സ്ഥാപകനും സി ഇ ഒ യുമായ റിതേഷ് അഗര്വാള് ചൂണ്ടിക്കാട്ടി.
രാജ്യത്തെ സാഹചര്യങ്ങള്ക്കും ആതിഥേയ വ്യവസായ മേഖലയ്ക്കും പിന്തുണ നല്കുന്ന രീതിയിലാവും തങ്ങളുടെ പ്രവര്ത്തനമെന്ന് ഓയോ ഹോട്ടല്സ് യു.എ.ഇ. റീജണല് മേധാവി മനു മിധ ചൂണ്ടിക്കാട്ടി. ഗണ്യമായ ഇന്റര്നെറ്റ്, മൊബൈല് സാന്നിധ്യമുള്ള ഈ രാജ്യം വളരെ ആകര്ഷകമായ വിപണിയാണെന്ന് ഓയോ ഹോട്ടല്സ് യു.എ.ഇ. കണ്ട്രി ഹെഡ് വാര്ത്തിക ഗോയല് അഭിപ്രായപ്പെട്ടു.
TAGS: Oyo Hotels |
ജി.കെ.എന്.പിള്ള ഒരുക്കിയ അങ്കിളും കുട്ട്യോളും മെയ് 10 ന് റിലീസ് ചെയ്യും.
ഡീലര് ഫിനാന്സ് സേവനം ; സൗത്ത് ഇന്ത്യന് ബാങ്കും അശോക് ലെയ്ലന്റും തമ്മില് ധാരണ
കോട്ടണ്സ് ഓഫ് ഇന്ത്യ, സമ്മര് ബ്ലൂംസ് കളക്ഷനുമായി തനെയ്റ
പ്രഥമ ഓഹരി വില്പനയുമായി ജെഎന്കെ ഇന്ത്യ ലിമിറ്റഡ്
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള് – വിദഗ്ധര്