ലുലു എക്‌സ്‌ചേഞ്ച് 100 മത് ശാഖ തുറന്നു

Posted on: January 18, 2015

അബുദാബി : ലുലു ഇന്റർനാഷണൽ എക്‌സ്‌ചേഞ്ച് നൂറാമത് ശാഖ തുറന്നു. അബുദാബി ഹംദാൻ സ്ട്രീറ്റിൽ ആരംഭിച്ച ശാഖയുടെ ഉദ്ഘാടനം ഹമദ് അൽ ധർമാകി നിർവഹിച്ചു. ഇന്ത്യൻ അംബാസഡർ ടി. പി. സീതാരാമൻ, ലുലു ഗ്രൂപ്പ് ചെയർമാൻ പദ്മശ്രീ എം എ യൂസഫലി തുടങ്ങിയ പ്രമുഖ വ്യക്തികൾ പങ്കെടുത്തു.

അഞ്ചു വർഷത്തിനുള്ളിൽ ഏഴ് രാജ്യങ്ങളിലായി ലുലു ഇന്റർനാഷണൽ എക്‌സ്‌ചേഞ്ചിന് 100 ശാഖകൾ തുറക്കാനായത് വലിയൊരു നാഴികക്കല്ലാണെന്ന് ഗ്രൂപ്പ് ചെയർമാൻ എം എ യൂസഫലി പറഞ്ഞു.

വിദേശനാണ്യ ആവശ്യങ്ങൾക്കും റെമിറ്റൻസിനുമുള്ള വൺ സ്റ്റോപ്പ് ഷോപ്പാണ് ലുലു എക്‌സ്‌ചേഞ്ച് എന്ന് ലുലു ഇന്റർനാഷണൽ എക്‌സ്‌ചേഞ്ച് സിഇഒ അദീബ് അഹമ്മദ് പറഞ്ഞു. 2009 ൽ അബുദാബി അൽ വഹദ മാളിലാണ് ലുലു എക്‌സ്‌ചേഞ്ചിന്റെ ആദ്യ ശാഖ തുറന്നത്. ഇന്ന് യുഎഇ യിൽ മാത്രം 30 ശാഖകളുണ്ട്. കൂടാതെ ഒമാൻ, കുവൈറ്റ്, ഖത്തർ, ബഹ്‌റിൻ, ഇന്ത്യ, ഫിലിപ്പൈൻസ് എന്നീ രാജ്യങ്ങളിൽ എക്‌സ്‌ചേഞ്ചിന്റെ പ്രവർത്തനം വ്യാപിപ്പിച്ചതായി അദീബ് അഹമ്മദ് ചൂണ്ടിക്കാട്ടി.

TAGS: Adeeb Ahamed | Foreign Currency Exchange | Lulu Exchange | Lulu Group | Lulu International Exchange | Remittance | Yusuffali MA |