സിഐഐ എക്‌സ്‌കോൺ 2017 : കൊച്ചിയിൽ റോഡ് ഷോ സംഘടിപ്പിച്ചു

Posted on: November 5, 2017

കൊച്ചി : സിഐഐ ഡിസംബർ 12 മുതൽ 16 വരെ ബംഗലുരുവിൽ സംഘടിപ്പിക്കുന്ന എക്‌സ്‌കോൺ 2017-നു മുന്നോടിയായി കൊച്ചിയിൽ റോഡ് ഷോ സംഘടിപ്പിച്ചു. നിർമാണ ഉപകരണങ്ങളുമായി ബന്ധപ്പെട്ട് ദക്ഷിണേഷ്യയിലെ ഏറ്റവും വലിയ പ്രദർശനമാണ് കോൺഫെഡറേഷൻ ഓഫ് ഇന്ത്യൻ ഇൻഡസ്ട്രി (സിഐഐ) സംഘടിപ്പിക്കുന്ന എക്‌സ്‌കോൺ 2017.

പുതു തലമുറ-സ്മാർട്ട് അടിസ്ഥാന സൗകര്യ സാങ്കേതികവിദ്യകൾ വികസിപ്പിക്കുന്നതിൽ ഇന്ത്യയ്ക്കുള്ള നേതൃസ്ഥാനം ഉയർത്തിക്കാട്ടുന്നതായിരിക്കും എക്‌സ്‌കോൺ 2017 പ്രദർശനം. ബംഗലുരു ഇന്റർനാഷണൽ എക്‌സിബിഷൻ സെന്ററിൽ നടക്കുന്ന അഞ്ചു ദിവസത്തെ പ്രദർശനത്തിൽ വിദേശത്തു നിന്നുള്ള 300 കമ്പനിക ഉൾപ്പെടെ ആയിരത്തിലേറെ സ്ഥാപനങ്ങൾ പങ്കെടുക്കും. 40,000-ത്തിൽ ഏറെ ബിസിനസ് സന്ദർശകരെയും പ്രതീക്ഷിക്കുന്നു.

ഇന്ത്യയുടെ സ്ഥായിയായ വികസനത്തിന്റെ കാര്യത്തിൽ അടിസ്ഥാന സൗകര്യ മേഖലയിലെ നിക്ഷേപങ്ങൾക്കു നിർണായക പങ്കാണു വഹിക്കാനുള്ളതെന്ന് റോഡ് ഷോയിൽ സംസാരിച്ച സിഐഐ ദക്ഷിണ മേഖലാ മുൻ ചെയർമാനും സീലിംഗ്‌സ് ആൻഡ് ജോയിന്റിംഗ്‌സ് സിഇഒ യും മാനേജിംഗ് ഡയറക്ടറുമായ കെ. കെ. എം. കുട്ടി ചൂണ്ടിക്കാട്ടി. സർക്കാരിന്റെ എല്ലാ നയപരമായ നീക്കങ്ങൾക്കും ഇടപെടലുകൾക്കും പിന്നിൽ ഈ ഘടകമാണുള്ളതെന്നും അദേഹം ചൂണ്ടിക്കാട്ടി.

TAGS: CII | CII EXCON 2017 | Confederation Of Indian Industry |