April 2024
എസ് ബി ഐ ലൈഫ് ഇന്ഷുറന്സും അലഹബാദ് ബാങ്കും ബാങ്കഷ്വറന്സ് സഹകരണം പ്രഖ്യാപിച്ചു
Posted on: January 1, 2019
കൊച്ചി : എസ് ബി ഐ ലൈഫ് ഇന്ഷുറന്സും അലഹബാദ് ബാങ്കും ഉപഭോക്താക്കള്ക്ക് മികച്ച രീതിയിലുള്ള സാമ്പത്തിക ആസൂത്രണ പരിഹാരങ്ങള് ലഭ്യമാക്കുന്നതിനായുള്ള ബാങ്കഷ്വറന്സ് കരാറില് ഒപ്പു വെച്ചു. അലഹബാദ് ബാങ്കിന്റെ 3,238 ശാഖകളിലൂടെ സംരക്ഷണം, സ്വത്തു സമ്പാദനം, നിക്ഷേപം തുടങ്ങിയ വിവിധങ്ങളായ ശ്രേണികളില്പെട്ട എസ് ബി ഐ ലൈഫിന്റെ പദ്ധതികള് ഉപഭോക്താക്കള്ക്കു ലഭിക്കും. ഇതുവഴി ഉപഭോക്താക്കള്ക്ക് തങ്ങളുടെ സമ്പൂര്ണ സാമ്പത്തിക ആവശ്യങ്ങള് ഒരു മേല്ക്കൂരക്കു കീഴെ ലഭിക്കുന്ന സ്ഥിതിയാവും ഉണ്ടാകുക.
അലഹബാദ് ബാങ്ക് മാനേജിംഗ് ഡയറക്ടറും സി ഇ ഒ യുമായ മല്ലികാര്ജുന റാവുവിന്റേയും എസ് ബി ഐ ലൈഫ് മാനേജിംഗ് ഡയറക്ടറും സി ഇ ഒ യുമായ സഞ്ജീവ് നൗത്തിയാലിന്റേയും സാന്നിധ്യത്തിലാണ് ധാരണ ഒപ്പു വെച്ചത്.
ഉപഭോക്താക്കള്ക്ക് കൂടുതല് വിപുലമായ ലൈഫ് ഇന്ഷുറന്സ് പദ്ധതികള് തെരഞ്ഞെടുക്കാനുള്ള അവസരം ഒരു മേല്ക്കൂരക്കു കീഴില് അവതരിപ്പിക്കാനും ബാങ്കിന്റെ പലിശ ഇതര വരുമാനങ്ങള് വര്ധിപ്പിക്കാനും ഉള്ള ബാങ്കിന്റെ ലക്ഷ്യങ്ങളെക്കുറിച്ച് ഈ അവസരത്തില് സംസാരിച്ച അലഹബാദ് ബാങ്ക് മാനേജിംഗ് ഡയറക്ടറും സി ഇ ഒ യുമായ മല്ലികാര്ജുന റാവു ചൂണ്ടിക്കാട്ടി.
അലഹബാദ് ബാങ്കുമായുള്ള തങ്ങളുടെ സഹകരണം വഴി ലഭിക്കുന്ന അവസരങ്ങളെക്കുറിച്ച് കൂടുതല് ആവേശഭരിതരാക്കുന്നു എന്ന് ഇതേക്കുറിച്ചു പ്രതികരിച്ച എസ് ബി ഐ ലൈഫ് ഇന്ഷുറന്സ് മാനേജിംഗ് ഡയറക്ടറും സി.ഇ.ഒ.യുമായ സഞ്ജീവ് നൗത്തിയാല് ചൂണ്ടിക്കാട്ടി. സംരക്ഷണം, സ്വത്തു സമ്പാദനം, നിക്ഷേപം തുടങ്ങിയ ശ്രേണികളിലുള്ള എ സ് ബി ഐ ലൈഫിന്റെ വിവിധ പദ്ധതികളില് ഉപഭോക്താക്കള്ക്കിപ്പോള് നേരിട്ട് ബന്ധപ്പെടാനുള്ള അവസരമാണു ലഭിക്കുന്നത്. അതു വഴി സമഗ്രമായ സാമ്പത്തിക ആസൂത്രണം സാധ്യമാകുമെന്നും അദ്ദേഹം ചൂണ്ടിക്കാട്ടി.
TAGS: Allahabad Bank | SBI Life Insurance |
ഹോണ്ട കൊച്ചിയില് റോഡ് സുരക്ഷാ ബോധവത്കരണ കാമ്പയിന് നടത്തി
റിത്വികക്ക് കാരുണ്യ കടലായി ആസ്റ്റര് മെഡ്സിറ്റി
ജാവ യെസ്ഡി രണ്ടാം ഘട്ട മെഗാ സര്വീസ് ക്യാമ്പ് പ്രഖ്യാപിച്ചു
ജി.കെ.എന്.പിള്ള ഒരുക്കിയ അങ്കിളും കുട്ട്യോളും മെയ് 10 ന് റിലീസ് ചെയ്യും.
ഡീലര് ഫിനാന്സ് സേവനം ; സൗത്ത് ഇന്ത്യന് ബാങ്കും അശോക് ലെയ്ലന്റും തമ്മില് ധാരണ