April 2024
ക്ലാസ്മേറ്റ് സ്പെല്ബീ സ്പെല്ലിംഗ് മത്സരം
Posted on: January 17, 2019
കൊച്ചി : നോട്ട്ബുക്ക് ബ്രാന്ഡായ ക്ലാസ്മേറ്റ് വിദ്യാര്ത്ഥികള്ക്ക് വേണ്ടി സംഘടിപ്പിക്കുന്ന ഇന്ത്യയിലെ ഏറ്റവും വലിയ സ്പെല്ലിംഗ് മത്സരത്തിന് ഓണ്ലൈന് രജിസ്ട്രേഷന് ആരംഭിച്ചു. ദേശീയ ചാമ്പ്യന് 2,00,000 രൂപയാണ് സമ്മാനം. ഒപ്പം രക്ഷകര്ത്താവിനൊപ്പം അമേരിക്കയിലെ വാഷിംഗ്ടണ് ഡിസിയില് നടക്കുന്ന സ്ക്രിപ്സ് ദേശീയ സ്പെല്ലിംഗ് ബീ മത്സരങ്ങള്ക്ക് സാക്ഷ്യം വഹിക്കാനുള്ള അവസരവും.
ക്ലാസ്മേറ്റ് സ്പെല്ബീയുടെ 11-ാം പതിപ്പാണിത്. അഞ്ചു മുതല് ഒമ്പതാം ക്ലാസ് വരെയുള്ള വിദ്യാര്ത്ഥികള്ക്ക് മത്സരത്തില് പങ്കെടുക്കാം. 30 നഗരങ്ങളിലെ 1000 – ലേറെ സ്കൂളുകളിലെ 5 മുതല് 9-ാം ക്ലാസ് വരെയുള്ള 650000 വിദ്യാര്ത്ഥികള് ഇക്കൊല്ലം പങ്കെടുക്കും.
www.classmatespellbee.in എന്ന വെബ്സൈറ്റില് പേരു രജിസ്റ്റര് ചെയ്യാം. മികച്ച പ്രകടനം നടത്തുന്ന 16 മത്സരാര്ത്ഥികള്ക്ക് ഡിസ്കവറി ചാനല്, ഡിസ്കവറി കിഡ്സ്, ഡിസ്കവറി തമിഴ് എന്നീ ചാനലുകളില് തങ്ങളുടെ പാടവം അവതരിപ്പിക്കാനുള്ള അവസരവും ലഭിക്കും.
ഓരോ വിദ്യാര്ത്ഥിയും അസാമാന്യനാണ്, അതുപോലെയാണ് വാക്കുകളും എന്നതാണ് ഇത്തവണത്തെ പ്രമേയം. സെമിഫൈനലില് എത്തുന്ന നാലുപേര്ക്ക് 50000 രൂപ വീതമുള്ള ക്യാഷ് പ്രൈസ് ലഭിക്കും. സ്കൂളുകളിലെ ഓണ്-ഗ്രൗണ്ട് സ്പെല്ലിംഗ് ടെസ്റ്റുകളോടെയാണ് മത്സരം തുടങ്ങുക. സ്കൂളുകളില് നിന്ന് ഉയര്ന്ന മാര്ക്കു വാങ്ങുന്നവര് സിറ്റി ഫിനാലെ റൗണ്ടില് മാറ്റുരയ്ക്കും. ഇതില് മികച്ച പാടവം തെളിയിക്കുന്ന 16 പേര് ആണ് ഗ്രാന്ഡ് ഫിനാലെയില് ഏറ്റുമുട്ടുക.
TAGS: Classmate Spellbee |
ഹോണ്ട കൊച്ചിയില് റോഡ് സുരക്ഷാ ബോധവത്കരണ കാമ്പയിന് നടത്തി
റിത്വികക്ക് കാരുണ്യ കടലായി ആസ്റ്റര് മെഡ്സിറ്റി
ജാവ യെസ്ഡി രണ്ടാം ഘട്ട മെഗാ സര്വീസ് ക്യാമ്പ് പ്രഖ്യാപിച്ചു
ജി.കെ.എന്.പിള്ള ഒരുക്കിയ അങ്കിളും കുട്ട്യോളും മെയ് 10 ന് റിലീസ് ചെയ്യും.
ഡീലര് ഫിനാന്സ് സേവനം ; സൗത്ത് ഇന്ത്യന് ബാങ്കും അശോക് ലെയ്ലന്റും തമ്മില് ധാരണ