ശുദ്ധവായു ദേശീയ വെല്ലുവിളിയെന്ന് അനുമിത റോയ് ചൗധരി

Posted on: March 14, 2015

ന്യൂഡൽഹി : ശുദ്ധവായു ഇന്ത്യയുടെ ദേശീയ വെല്ലുവിളിയാണെന്ന് സിഎസ്ഇ എക്‌സിക്യൂട്ടീവ് ഡയറക്ടർ അനുമിത റോയ് ചൗധരി. സെന്റർ ഫോർ സയൻസ് ആൻഡ് എൻവയൺമെന്റ് ഇന്ത്യ ഹാബിറ്റാറ്റ് സെന്ററിൽ സംഘടിപ്പിച്ച 2015 ലെ അനിൽ അഗർവാൾ ഡയലോഗിൽ പ്രഭാഷണം നടത്തുകയായിരുന്നു അവർ.

വായുവിലെ ഘടകമാലിന്യങ്ങൾ ആഗോളതലത്തിൽ ഏറ്റവും വലിയ ഒൻപതാമത്തെ കൊലയാളിയാണ്. ഇന്ത്യയിൽ ഏറ്റവും വലിയ അഞ്ചാമത്തെ മരണകാരണവും വായുമലിനീകരണമാണ്. 2010 ൽ 627,000 പേരാണ് ഇത്തരത്തിൽ മരണമടഞ്ഞത്. ഇന്ത്യയിലുണ്ടായ ആകെ മരണത്തിന്റെ ആറു ശതമാനം വരുമിത്.

വായുമലിനീകരണം ആരോഗ്യത്തിനും കാലാവസ്ഥയ്ക്കും ഒരു പോലെ ഭീഷണിയാണ്. 2009 ൽ 57 നഗരങ്ങളാണ് മലിനീകരിക്കപ്പെട്ടതെങ്കിൽ 2012 ആയപ്പോഴേക്കും 85 നഗരങ്ങളായി. ഇവയിൽ 6-8 നഗരങ്ങൾ ഗുരുതരമായ മലിനീകരണ ഭീഷണി നേരിടുന്നവയാണ്. കാർബൺ പുറന്തള്ളലിൽ 25 ശതമാനം വാഹനങ്ങളിൽ നിന്നാണെന്നും അനുമിത റോയ് ചൗധരി ചൂണ്ടിക്കാട്ടി.

TAGS: Anil Agarwal Dialogue | Anumita Roychowdhury | Black Carbon | Centre For Science And Environment | CLIMATE CHANGE | CSE | Diesel Emissions |