April 2024
സൈലന്സറിന്റെ ചിത്രീകരണം പൂര്ത്തിയായി
Posted on: October 17, 2018
കൊച്ചി : പ്രിയനന്ദനന് സംവിധാനം ചെയ്ത സൈലന്സറിന്റെ ചിത്രീകരണം പൂര്ത്തിയായി. തൃശ്ശൂര്, പാലക്കാട് തുടങ്ങിയ പ്രദേശങ്ങളിലായി ചിത്രീകരിച്ച സൈലന്സര് 27 ദിവസം കൊണ്ടാണ് പൂര്ത്തീകരിച്ചത്. സാഹിത്യകാരന് വൈശാഖന്റെ സൈലന്സര് എന്ന ജനപ്രീതിയാര്ജിച്ച ചെറുകഥയെ ആധാരമാക്കിയാണ് ഈ സിനിമ. വാര്ദ്ധക്യത്താല് ഒറ്റപ്പെട്ട് പോയിട്ടും ജീവിത സാഹചര്യങ്ങളോടു പൊരുതി മുന്നേറുന്ന ഈനാശുവിന്റെ( ലാല്) ജീവിതമാണ് സൈലന്സറിന്റെ ഇതിവൃത്തം. കരുത്തിന്റെയും അതിജീവനത്തിന്റെയും പ്രതീകമാണ് ഈനാശു.
ത്രേസ്സ്യ(മീരാ വാസുദേവ്)യാണ് ഈനാശുവിന്റെ ഭാര്യ. മകന് സണ്ണി (ഇര്ഷാദ്) ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നു. പഴയ തലമുറയുടെയും പുതിയ തലമുറയുടെയും അഭിരുചികളും പൊരുത്തക്കേടുകളുമാണ് ചിത്രം ചര്ച്ച ചെയ്യുന്നത്. മനുഷ്യജീവിതത്തിലെ സംഘര്ഷങ്ങളും സാമൂഹിക യാഥാര്ത്ഥ്യങ്ങളുമാണ് ചിത്രം ചര്ച്ച ചെയ്യുന്നതെങ്കിലും പ്രേക്ഷകരെ രസിപ്പിക്കുന്ന ഒട്ടേറെ മുഹൂര്ത്തങ്ങള് ഒരുക്കുന്ന സിനിമ കുടുംബപ്രേക്ഷകര് സ്വീകരിക്കുമെന്ന് സംവിധായകന് പ്രിയനന്ദനന് ചൂണ്ടിക്കാട്ടുന്നു.
തൃശ്ശൂരിന്റെ പ്രാദേശിക ഭാഷയും സംസ്ക്കാരവും ഈ ചിത്രത്തിന്റെ മറ്റൊരു പ്രത്യേകത. പ്രിയനന്ദനന്റെ പാതിരാക്കാലത്തിന് തിരക്കഥയും സംഭാഷണവും ഒരുക്കിയ പി.എന് ഗോപീകൃഷ്ണനാണ് സൈലന്സറിന്റെ തിരക്കഥയും സംഭാഷണവും നിര്വ്വഹിച്ചിട്ടുള്ളത്. പ്രിയനന്ദനന്റെ മകന് അശ്വഘോഷനാണ് ഈ ചിത്രത്തിന്റെ കാമറ. ബെന്സി പ്രൊഡക്ഷന്സിന്റെ ബാനറില് ബേനസീറാണ് നിര്മ്മാണം.
മറ്റു അഭിനേതാക്കള് സ്നേഹാ ദിവാകരന്, പാര്ത്ഥസാരഥി, ജയരാജ് വാര്യര് എന്നിവരാണ്. കലാസംവിധാനം – ഷെബീറലി, പ്രൊഡക്ഷന് കണ്ട്രോളര് – ഷാജി പട്ടിക്കര, മേയ്ക്കപ്പ് – അമല്, വസ്ത്രാലങ്കാരം – രാധാകൃഷ്ണന് മങ്ങാട്, പ്രൊഡക്ഷന് എക്സിക്യൂട്ടീവ് – നസീര് കൂത്തുപറമ്പ്, പ്രൊഡക്ഷന് മാനേജര് – പ്രേംജി പിള്ള, പശ്ചാത്തല സംഗീതം – ബിജിബാല്, സ്റ്റില്സ് – അനില് പേരാമ്പ്ര, പി.ആര്.ഒ- പി.ആര്.സുമേരന്, അസോസിയേറ്റ് ഡയറക്ടര് – സബിന് കാട്ടുങ്ങല്, സംവിധാന സഹായികള്- ബിനോയ് മാത്യു, കൃഷ്ണകുമാര് വാസുദേവന്, പി. അയ്യപ്പദാസ്, ജയന് കടക്കരപ്പള്ളി.
TAGS: Silencer Film |
ജി.കെ.എന്.പിള്ള ഒരുക്കിയ അങ്കിളും കുട്ട്യോളും മെയ് 10 ന് റിലീസ് ചെയ്യും.
സംവിധായകന് അനുറാം നിര്മ്മാണ രംഗത്തേക്ക്,പുതിയ ചിത്രം ‘മറുവശം’ഫസ്റ്റ് ലുക്ക് പോസ്റ്റര് പുറത്ത്
ഓസ്ട്രേലിയയില് നിന്നുള്ള ആദ്യ മലയാളം വെബ് സീരീസിന് മലയാളിയായ ജോയ് കെ. മാത്യു തുടക്കം കുറിച്ചു.
ജോയ് .കെ .മാത്യുവിന്റെ ‘അണ്ബ്രേക്കബിള്’ ചിത്രീകരണം പൂര്ത്തിയായി
മിസിസ് കേരള ഗോള്ഡ് വിഭാഗത്തില് തൃശൂര് സ്വദേശി ജയലക്ഷ്മി ഫസ്റ്റ് റണ്ണറപ്പായി
കഥകളി പ്രമേയത്തില് ഉപഭോക്തൃ ഇടപെടലൊരുക്കി കണ്ണന് ദേവന്
ഹാഫെലെ ബ്രാന്ഡ് അംബാസഡറായി സച്ചിന് ടെണ്ടുല്ക്കറെ പ്രഖ്യാപിച്ചു
പോപ്പുലര് ഹ്യുണ്ടായില് ഹ്യുണ്ടായ് എക്സ്റ്റര് വിക്ക് ആരംഭിച്ചു
നിസാന് മാഗ്നറ്റിന്റെ വാര്ഷിക വില്പ്പന 30000 കടന്നു
സ്വിസ്സ് മിലിട്ടറി ട്രാവല് ബാഗുകളുടെ പുതിയ ശ്രേണി പുറത്തിറക്കി