കുമാരസ്വാമിയെ മുഖ്യമന്ത്രിയാക്കാൻ കോൺഗ്രസ് നീക്കം

Posted on: May 15, 2018

ബംഗലുരു : ലീഡ്‌നില മാറി മറിയുന്നതിനിടെ ജനതാദൾ എസ് നേതാവ് കുമാരസ്വാമിക്ക് കോൺഗ്രസ് മുഖ്യമന്ത്രിപദം വാഗ്ദാനം ചെയ്തു. കോൺഗ്രസിന് 74 ഉം ജനതാദൾ എസിന് 39 ഉം സീറ്റുകളിൽ മേൽക്കൈയുണ്ട്. കുമാരസ്വാമി സർക്കാരിനെ പുറത്തു നിന്ന് പിന്തുണയ്ക്കാനാണ് കോൺഗ്രസിന്റെ തീരുമാനം.

ബിജെപിക്ക് 106 സീറ്റുകളിൽ ലീഡുണ്ട്. സ്ഥിതിഗതികൾ നിരീക്ഷിച്ചുവരികയാണെന്ന് ബിജെപി വൃത്തങ്ങൾ അറിയിച്ചു.

ബിജെപിയെ അധികാരത്തിൽ നിന്ന് അകറ്റി നിർത്താൻ ഏത് അറ്റംവരെയും പോകുമെന്ന് എഐസിസി ജനറൽസെക്രട്ടറി കെ.സി. വേണുഗോപാൽ പറഞ്ഞു.