April 2024
ഇൻഫോസിസിൽ നിന്ന് വിശാൽ സിക്ക രാജിവെച്ചു
Posted on: August 18, 2017
ബംഗലുരു : ഇൻഫോസിസ് മാനേജിംഗ് ഡയറക്ടറും സിഇഒയുമായ വിശാൽ സിക്ക രാജിവെച്ചു. യു. ബി. പ്രവീൺ റാവുവിനാണ് താത്കാലിക ചുമതല. സിക്ക ഇനി കമ്പനിയുടെ എക്സിക്യൂട്ടീവ് വൈസ് ചെയർമാനായി തുടരും. ഇൻഫോസിസ് സ്ഥാപകാംഗമല്ലാത്ത ആദ്യ സിഇഒ ആണ് വിശാൽ സിക്ക. സിക്കയുടെ പ്രവർത്തനശൈലിയിൽ ഇൻഫോസിസ് മുൻ ചെയർമാൻ നാരായണമൂർത്തി പലതവണ പരസ്യമായി അസംതൃപ്തി രേഖപ്പെടുത്തിയിരുന്നു. തനിക്കെതിരായ ആരോപണങ്ങളിൽ മനംമടുത്താണ് വിശാൽ സിക്കയുടെ രാജി.
സിക്കയുടെ രാജി ഓഹരിവിപണിയെ അമ്പരപ്പിച്ചു. ഇൻഫോസിസ് ഓഹരിവില 8 ശതമാനം കുറഞ്ഞു. വിശാൽ സിക്കയുടെ രാജിക്കത്ത് സ്വീകരിച്ചതായി ഇൻഫോസിസ് കമ്പനി സെക്രട്ടറി എ.ജി.എസ്. മണികുന്ദ വെളിപ്പെടുത്തി. പുതിയ മാനേജിംഗ് ഡയറക്ടറെ കണ്ടെത്തുന്നതിനുള്ള നടപടികൾ പുരോഗമിക്കുകയാണെന്നും കമ്പനി പത്രക്കുറിപ്പിൽ അറിയിച്ചു. സ്ഥാപകാംഗങ്ങൾ പിൻമാറിയ ശേഷം ഇത് രണ്ടാം തവണയാണ് ഇൻഫോസിസ് നേതൃത്വ പ്രതിസന്ധി നേരിടുന്നത്. ഓഹരി തിരിച്ചുവാങ്ങൽ സംബന്ധിച്ച ഡയറക്ടർ ബോർഡ് നാളെ തീരുമാനമെടുക്കാനിരിക്കെയാണ് കമ്പനി സിഇഒയുടെ അപ്രതീക്ഷിത രാജിയുണ്ടായത്.
TAGS: Infosys | Vishal Sikka |
ഇമാക് ഫെസ്റ്റൂണ് സൈലന്റ് ഹീറോസ് 2024 അവാര്ഡുകള് വിതരണം ചെയ്തു.
സംവിധായകന് അനുറാം നിര്മ്മാണ രംഗത്തേക്ക്,പുതിയ ചിത്രം ‘മറുവശം’ഫസ്റ്റ് ലുക്ക് പോസ്റ്റര് പുറത്ത്
ആമസോണ് പേ ‘പേ കര്നേ കാ സ്മാര്ട്ടര് വേ’യുമായി ആയുഷ്മാന് ഖുറാന
ജെ.ഡി പവര് 2024 ഇന്ത്യ ടുവീലര് ബഹുമതികളില് തിളങ്ങി ടിവിഎസ് മോട്ടോര് കമ്പനി