April 2024
മെഴ്സിഡസ് എഎംജി ഇ 63 എസ് 4മാറ്റിക്+ വിപണിയിൽ
Posted on: May 23, 2018
കൊച്ചി : എക്കാലത്തേയും ഏറ്റവുമധികം കരുത്തുറ്റ ഇ-ക്ലാസായ എഎംജി ഇ 63 എസ് 4മാറ്റിക്+ മെഴ്സിഡസ് ബെൻസ് ഇന്ത്യ വിപണിയിലിറക്കി. പെർഫോർമൻസ് സലൂൺ വിഭാഗത്തിൽപെട്ട ഈ കാറിന്റെ 4.0 ലിറ്റർ ട്വിൻ-ട്യൂബ് വി8 എൻജിൻ 450 കിലോവാട്ട് (612 എച്ച്പി) കരുത്ത് ലഭ്യമാക്കുന്നു. മെഴ്സിഡസ് എഎംജി വിഭാഗത്തിലെ ഏറ്റവും വേഗതയേറിയ കാറായ എഎംജി ഇ 63 എസ് 4 മാറ്റിക് + സ്റ്റാർട്ടാക്കി 3.4 സെക്കൻഡിനുള്ളിൽ 100 കിലോമീറ്റർ വേഗത കൈവരിക്കും. എഎംജി ഇ 63 എസ് 4മാറ്റിക്+ വിപണിയിലെത്തിയതോടെ ഇന്ത്യയിൽ മൊത്തം 14 എഎംജി മോഡലുകളായി.
ലക്ഷ്വറി പെർഫോർമൻസ് സലൂണിന്റെ അവസാനവാക്കാണ് എഎംജി ഇ 63 എസ് 4മാറ്റിക് + എന്ന് ന്യൂഡെൽഹിയിൽ കാർ വിപണിയിലിറക്കിക്കൊണ്ട് മെർസിഡീസ്-ബെൻസ് ഇന്ത്യ മാനേജിംഗ് ഡയറക്ടർ റൊണാൾഡ് ഫോഗർ പറഞ്ഞു. ഏറ്റവും കരുത്തനായ ഇ-ക്ലാസ് എന്നതിനു പുറമെ ലോകത്തിലെ ഏറ്റവും മികച്ച ഇന്റലിജന്റ് എക്സിക്യൂട്ടീവ് സലൂണുമാണിത്. ലോകത്ത് വേറൊരു കാർ മോഡലും ഇത്രയും വിപുലവും സമൂലവുമായ ഒരു മാറ്റത്തിന് വിധേയമായിട്ടില്ല. ഉദാത്തമായ ഡ്രൈവിങ് അനുഭൂതി ലഭ്യമാക്കുന്ന എഎംജി ഇ 63 എസ് 4മാറ്റിക്കിനെ സംബന്ധിച്ചേടത്തോളം യാത്രയിൽ മുൻ സീറ്റിലെ സുഖം തന്നെ പിൻ സീറ്റിലും ലഭിക്കും.
ഡ്രിഫ്റ്റ് മോഡ് ആണ് 4 മാറ്റിക്കിലെ ഏറ്റവും സവിശേഷമായ ഘടകം. തികച്ചും മാറിക്കൊണ്ടിരിക്കുന്ന ടോർക് കാരണമാണ് കാറിന് ഒഴുകാൻ കഴിയുന്നത്.ഡ്രിഫ്റ്റ് മോഡിലിട്ടാൽ പിൻ ചക്രങ്ങളിൽ മാത്രമായിരിക്കും കാർ ഓടുന്നത്. എഎംജി ഇ 63 എസ് 4മാറ്റിക് പ്ലസ്സിന്റെ എക്സ് – ഷോറൂം വില 1.5 കോടി രൂപയാണ് . 88,000 രൂപ (നികുതി കൂടാതെ) അടച്ചാൽ രണ്ട് വർഷത്തേക്ക് അറ്റകുറ്റപ്പണികൾക്ക് വേറെ പണം ചെലവാക്കേണ്ടതായിട്ടില്ല എന്ന പ്രത്യേകതയുണ്ട്.
TAGS: Mercedes AMG E 63 S 4MATIC |
ഹോണ്ട കൊച്ചിയില് റോഡ് സുരക്ഷാ ബോധവത്കരണ കാമ്പയിന് നടത്തി
റിത്വികക്ക് കാരുണ്യ കടലായി ആസ്റ്റര് മെഡ്സിറ്റി
ജാവ യെസ്ഡി രണ്ടാം ഘട്ട മെഗാ സര്വീസ് ക്യാമ്പ് പ്രഖ്യാപിച്ചു
ജി.കെ.എന്.പിള്ള ഒരുക്കിയ അങ്കിളും കുട്ട്യോളും മെയ് 10 ന് റിലീസ് ചെയ്യും.
ഡീലര് ഫിനാന്സ് സേവനം ; സൗത്ത് ഇന്ത്യന് ബാങ്കും അശോക് ലെയ്ലന്റും തമ്മില് ധാരണ